ਹਰਿਆਣਾ : ਪੈਰਿਸ ਓਲੰਪਿਕ (The Paris Olympics) ‘ਚ ਹਰਿਆਣਾ ਦੀ ਧਾਕੜ ਕੁੜੀ ਤੋਂ ਤੀਜੇ ਮੈਡਲ ਦੀ ਉਮੀਦ ਟੁੱਟ ਗਈ ਹੈ। ਹਰਿਆਣਾ ਦੀ ਨਿਸ਼ਾਨੇਬਾਜ਼ ਮਨੂ ਭਾਕਰ (Shooter Manu Bhakar) 25 ਮੀਟਰ ਮਹਿਲਾ ਪਿਸਟਲ ਮੁਕਾਬਲੇ ਦੇ ਫਾਈਨਲ ਮੁਕਾਬਲੇ ਵਿੱਚ ਹਾਰ ਗਏ ਹਨ, ਜਿਸ ਕਾਰਨ ਉਹ ਤਗ਼ਮੇ ਦੀ ਹੈਟ੍ਰਿਕ ਤੋਂ ਖੁੰਝ ਗਏ ਹਨ। ਇਸ ਤੋਂ ਪਹਿਲਾਂ ਉਨ੍ਹਾਂ ਨੇ 2 ਕਾਂਸੀ ਦੇ ਤਗਮੇ ਜਿੱਤੇ ਸਨ।
ਤੁਹਾਨੂੰ ਦੱਸ ਦੇਈਏ ਕਿ ਮਨੂ ਭਾਕਰ ਨੇ ਬੀਤੇ ਦਿਨ 25 ਮੀਟਰ ਏਅਰ ਪਿਸਟਲ ਦੇ ਫਾਈਨਲ ਵਿੱਚ ਥਾਂ ਬਣਾਈ ਸੀ। ਉਨ੍ਹਾਂ ਨੇ ਕੁਆਲੀਫਿਕੇਸ਼ਨ ਈਵੈਂਟ ਵਿੱਚ ਦੂਜਾ ਸਥਾਨ ਹਾਸਲ ਕਰਕੇ ਫਾਈਨਲ ਲਈ ਕੁਆਲੀਫਾਈ ਕੀਤਾ। ਮਨੂ ਭਾਕਰ ਨੇ 590 ਅੰਕ ਹਾਸਲ ਕੀਤੇ ਹਨ। ਉਨ੍ਹਾਂ ਨੇ ਸ਼ੁੱਧਤਾ ਵਿੱਚ 294 ਅੰਕ ਅਤੇ ਤੇਜ਼ੀ ਵਿੱਚ 296 ਅੰਕ ਪ੍ਰਾਪਤ ਕੀਤੇ।
ਹੰਗਰੀ ਦੀ ਮੇਜਰ ਵਰਣਿਕਾ 592 ਅੰਕਾਂ ਨਾਲ ਉਹ ਚੋਟੀ ‘ਤੇ ਰਹੇ। ਮਨੂ ਭਾਕਰ ਹੁਣ 25 ਮੀਟਰ ਏਅਰ ਪਿਸਟਲ ਦੇ ਫਾਈਨਲ ਵਿੱਚ ਪਹੁੰਚ ਗਈ ਹੈ। ਇਸ ਕੁਆਲੀਫਿਕੇਸ਼ਨ ਰਾਊਂਡ ਵਿੱਚ ਮਨੂ ਭਾਕਰ ਦੂਜੇ ਸਥਾਨ ’ਤੇ ਰਹੇ। ਉਨ੍ਹਾਂ ਨੇ 10 ਸਕੋਰ ਦੇ ਨਾਲ 24 ਸ਼ਾਟ ਲਏ। ਇਸ ਸ਼ੂਟਿੰਗ ‘ਚ ਮਨੂ ਨਾਲ ਮੁਕਾਬਲਾ ਕਰਨ ਵਾਲੀ ਈਸ਼ਾ ਸਿੰਘ 18ਵੇਂ ਸਥਾਨ ‘ਤੇ ਰਹੇ। ਉਹ ਆਖਰੀ 8 ਲਈ ਕੁਆਲੀਫਾਈ ਨਹੀਂ ਕਰ ਸਕੇ।
ਝੱਜਰ ਦੇ ਰਹਿਣ ਵਾਲੇ ਹਨ ਮਨੂ ਭਾਕਰ
ਤੁਹਾਨੂੰ ਦੱਸ ਦੇਈਏ ਕਿ ਮਨੂ ਭਾਕਰ ਹਰਿਆਣਾ ਦੇ ਝੱਜਰ ਜ਼ਿਲ੍ਹੇ ਦੀ ਰਹਿਣ ਵਾਲੇ ਹਨ। ਇਸ ਸਮੇਂ ਉਨ੍ਹਾਂ ਦਾ ਪਰਿਵਾਰ ਫਰੀਦਾਬਾਦ ਵਿੱਚ ਰਹਿੰਦਾ ਹੈ। 2021 ਟੋਕੀਓ ਓਲੰਪਿਕ ਵਿੱਚ ਮਨੂ ਦੀ ਪਿਸਤੌਲ ਟੁੱਟ ਗਈ ਸੀ। ਉਹ 20 ਮਿੰਟ ਤੱਕ ਨਿਸ਼ਾਨਾ ਨਹੀਂ ਬਣਾ ਸਕੇ। ਪਿਸਤੌਲ ਠੀਕ ਹੋਣ ਤੋਂ ਬਾਅਦ ਵੀ ਮਨੂ ਸਿਰਫ਼ 14 ਸ਼ਾਟ ਹੀ ਚਲਾ ਸਕੇ ਅਤੇ ਫਾਈਨਲ ਦੀ ਦੌੜ ਤੋਂ ਬਾਹਰ ਹੋ ਗਏ। ਮਨੂ ਨਿਰਾਸ਼ ਸਨ ਪਰ ਉਨ੍ਹਾਂ ਵਾਪਸੀ ਕੀਤੀ ਅਤੇ ਪੈਰਿਸ ਓਲੰਪਿਕ ਵਿੱਚ ਭਾਰਤ ਲਈ ਤਮਗਾ ਜਿੱਤਿਆ।
