ਮੁੰਬਈ : ਜੇਕਰ ਤੁਸੀਂ ਕਿਸੇ ਹਿੱਟ ਫਿਲਮ ਦਾ ਸੀਕਵਲ ਜਾਂ ਪ੍ਰੀਕੁਅਲ ਬਣਾਉਣਾ ਚਾਹੁੰਦੇ ਹੋ ਤਾਂ ਉਸ ਦੇ ਨਿਰਮਾਤਾ-ਨਿਰਦੇਸ਼ਕ ‘ਤੇ ਜ਼ਿੰਮੇਵਾਰੀ ਵੱਧ ਜਾਂਦੀ ਹੈ। ਇਨ੍ਹਾਂ ਜ਼ਿੰਮੇਵਾਰੀਆਂ ਦੇ ਨਾਲ, ਅਦਾਕਾਰ ਅਤੇ ਨਿਰਦੇਸ਼ਕ ਰਿਸ਼ਬ ਸ਼ੈੱਟੀ ਆਪਣੀ 2022 ਦੀ ਰਿਲੀਜ਼ ਦੇ ਸੀਕਵਲ ਕਾਂਤਾਰਾ 2 (Kantara 2) ਨੂੰ ਪੂਰਾ ਕਰਨ ਵਿੱਚ ਰੁੱਝੇ ਹੋਏ ਹਨ।
ਪਿਛਲੇ ਸਾਲ ਅਸਲ ਸਥਾਨਾਂ ਅਤੇ ਸਟੂਡੀਓ ਸੈਟਅਪਾਂ ਵਿੱਚ ਫਿਲਮ ਦੀ ਸ਼ੂਟਿੰਗ ਵੱਡੇ ਪੱਧਰ ‘ਤੇ ਕੀਤੀ ਗਈ ਸੀ। ਹੁਣ ਫਿਲਮ ਨਾਲ ਜੁੜੇ ਸੂਤਰਾਂ ਮੁਤਾਬਕ ਕਾਂਤਾਰਾ 2 ਦੀ ਸ਼ੂਟਿੰਗ ਪੂਰੀ ਹੋਣ ਵਾਲੀ ਹੈ। ਇਹ ਕਾਂਤਾਰਾ ਤੋਂ ਵੱਡੇ ਪੱਧਰ ‘ਤੇ ਬਣਾਈ ਜਾ ਰਹੀ ਹੈ।
ਰਿਸ਼ਭ ਅਤੇ ਫਿਲਮ ਦੀ ਟੀਮ ਨੇ ਆਊਟਡੋਰ ਹਿੱਸੇ ਦੀ ਸ਼ੂਟਿੰਗ ਪੂਰੀ ਕਰ ਲਈ ਹੈ। ਹੁਣ ਸਿਰਫ ਪੰਦਰਾਂ ਤੋਂ ਵੀਹ ਦਿਨਾਂ ਦੀ ਸ਼ੂਟਿੰਗ ਬਾਕੀ ਹੈ, ਜੋ ਸੈੱਟ ‘ਤੇ ਹੋਵੇਗੀ। ਫਿਲਮ ਦੇ ਨਿਰਮਾਤਾ ਇਸ ਦੇ ਵਿਜ਼ੂਅਲ ਇਫੈਕਟਸ ‘ਤੇ ਕਾਫੀ ਸਮਾਂ ਬਿਤਾ ਰਹੇ ਹਨ। ਫਿਲਮ ਦੀ ਸ਼ੂਟਿੰਗ ਜਿੰਨੀ ਹੋ ਚੁੱਕੀ ਹੈ, ਓਨੀ ਹੀ ਇਸ ਦੇ ਪੋਸਟ ਪ੍ਰੋਡਕਸ਼ਨ ਦਾ ਕੰਮ ਵੀ ਸ਼ੁਰੂ ਹੋ ਗਿਆ ਹੈ।
ਹੋਮਬਲੇ ਫਿਲਮਸ ਅਤੇ ਰਿਸ਼ਭ ਹੁਣ ਕਾਂਤਾਰਾ 2 ਨੂੰ ਅਗਲੀਆਂ ਗਰਮੀਆਂ ਵਿੱਚ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ। ਜ਼ਿਕਰਯੋਗ ਹੈ ਕਿ ਕੰਨੜ ਫਿਲਮ ਕਾਂਤਾਰਾ ਦੇ ਹਿੰਦੀ ਵਰਜ਼ਨ ਨੇ ਬਾਕਸ ਆਫਿਸ ‘ਤੇ 80 ਕਰੋੜ ਰੁਪਏ ਦੀ ਕਮਾਈ ਕੀਤੀ ਸੀ।
