ਗੈਜੇਟ ਡੈਸਕ : ਮੈਟਾ ਦੀ ਮੈਸੇਜਿੰਗ ਐਪ ਯਾਨੀ ਵਟਸਐਪ (WhatsApp) ਨੇ ਆਪਣੇ ਗਾਹਕਾਂ ਨੂੰ ਬਿਹਤਰ ਅਨੁਭਵ ਪ੍ਰਦਾਨ ਕਰਨ ਲਈ ਨਵਾਂ ਅਪਡੇਟ ਲਿਆਂਦਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਅਪਡੇਟ ਨੂੰ ਖਾਸ ਤੌਰ ‘ਤੇ ਸਿਰਫ ਆਈਫੋਨ ਯੂਜ਼ਰਸ ਲਈ (iPhone Users Only) ਪੇਸ਼ ਕੀਤਾ ਗਿਆ ਹੈ।
ਵਟਸਐਪ ਨੇ IOS ਉਪਭੋਗਤਾਵਾਂ ਲਈ ਇੱਕ ਨਵਾਂ ਅਪਡੇਟ ਜਾਰੀ ਕੀਤਾ ਹੈ, ਜਿਸ ਵਿੱਚ ਹਰੇ ਬਟਨ ਅਤੇ ਰੀ-ਡਿਜ਼ਾਈਨ ਕੀਤੇ ਆਈਕਨ ਦਾ ਵਿਕਲਪ ਉਪਲਬਧ ਹੈ। ਇਹ ਅਪਡੇਟ ਐਪ ਦੇ ਇੰਟਰਫੇਸ ਅਤੇ ਵੀਡੀਓ Calling ਫੰਕਸ਼ਨੈਲਿਟੀ ਨੂੰ ਬਿਹਤਰ ਬਣਾਉਂਦਾ ਹੈ। ਜੇਕਰ ਤੁਸੀਂ ਆਈਫੋਨ ਯੂਜ਼ਰ ਹੋ ਤਾਂ ਅਸੀਂ ਇੱਥੇ ਇਸ ਅਪਡੇਟ ਨੂੰ ਵਿਸਥਾਰ ਨਾਲ ਦੱਸਣ ਜਾ ਰਹੇ ਹਾਂ।
IOS ਯੂਜ਼ਰਸ ਨੂੰ ਵਟਸਐਪ ‘ਤੇ ਮਿਲਿਆ ਹੈ ਨਵਾਂ ਅਪਡੇਟ
ਵਟਸਐਪ ਨੇ ਆਪਣੇ IOS ਉਪਭੋਗਤਾਵਾਂ ਲਈ ਇੱਕ ਨਵਾਂ ਅਪਡੇਟ ਜਾਰੀ ਕੀਤਾ ਹੈ, ਜੋ ਐਪ ਦੇ ਇੰਟਰਫੇਸ ਅਤੇ ਕਾਰਜਸ਼ੀਲਤਾ ਵਿੱਚ ਕੁਝ ਛੋਟੇ ਪਰ ਮਹੱਤਵਪੂਰਨ ਬਦਲਾਅ ਪੇਸ਼ ਕਰੇਗਾ।
ਸੋਮਵਾਰ ਨੂੰ ਗਲੋਬਲੀ ਤੌਰ ‘ਤੇ ਰੋਲ ਆਊਟ ਕੀਤੇ ਗਏ ਇਸ ਅਪਡੇਟ ਵਿੱਚ ਹਰੇ ਬਟਨ ਅਤੇ ਮੁੜ ਡਿਜ਼ਾਈਨ ਕੀਤੇ ਆਈਕਨ ਦੇ ਨਾਲ-ਨਾਲ ਵੀਡੀਓ Calling ਦੀ ਗੁਣਵੱਤਾ ਨੂੰ ਵਧਾਉਣ ਲਈ ਇੱਕ ਨਵੀਂ ਵਿਸ਼ੇਸ਼ਤਾ ਵੀ ਸ਼ਾਮਲ ਹੈ।
ਅਪਡੇਟ 24.9.74 ਵਰਜਨ ਵਾਲੇ ਸਾਰੇ iphone ਮਾਡਲਾਂ ਲਈ ਐਪ ਸਟੋਰ ‘ਤੇ ਡਾਊਨਲੋਡ ਕਰਨ ਲਈ ਉਪਲਬਧ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਫਿਲਹਾਲ ਰੋਲਆਊਟ ਹੌਲੀ-ਹੌਲੀ ਹੋ ਰਿਹਾ ਹੈ ਅਤੇ ਉਮੀਦ ਹੈ ਕਿ ਆਉਣ ਵਾਲੇ ਹਫ਼ਤਿਆਂ ਵਿੱਚ ਇਸ ਨੂੰ ਜ਼ਿਆਦਾਤਰ ਲੋਕਾਂ ਲਈ ਉਪਲਬਧ ਕਰਾਇਆ ਜਾਵੇਗਾ।
ਤੁਹਾਨੂੰ ਮਿਲਣਗੇ ਕਈ ਖਾਸ ਅਪਡੇਟਸ
ਇਸ ਅਪਡੇਟ ਦੇ ਨਾਲ, ਤੁਹਾਡੇ ਲਈ ਐਪ ਵਿੱਚ ਹਰੇ ਬਟਨ ਅਤੇ ਨੋਟੀਫਿਕੇਸ਼ਨ ਆਈਕਨ ਪੇਸ਼ ਕੀਤੇ ਜਾਣਗੇ।
ਤੁਹਾਨੂੰ ਦੱਸ ਦੇਈਏ ਕਿ ਇਸ ਅਪਡੇਟ ਨੂੰ ਪਿਛਲੇ ਮਹੀਨੇ ਟੈਸਟਿੰਗ ਲਈ ਪੇਸ਼ ਕੀਤਾ ਗਿਆ ਸੀ। ਇਸ ਅਪਡੇਟ ‘ਚ ਤੁਹਾਨੂੰ ਨਵਾਂ ਮੈਸੇਜ ਬਟਨ, ਗਰੁੱਪ ਆਈਕਨ, ਕਾਂਟੈਕਟ ਸਿੰਬਲ ਅਤੇ ਅਨਰੀਡ ਮੈਸੇਜ ਸਿੰਬਲ ਦਿੱਤਾ ਜਾਵੇਗਾ।
ਇਸ ਤੋਂ ਇਲਾਵਾ ਵਟਸਐਪ ਨੇ ਸਕ੍ਰੀਨ ਸ਼ੇਅਰਿੰਗ ਲਈ ਆਡੀਓ ਸਪੋਰਟ ਜੋੜ ਕੇ ਆਪਣੀ ਵੀਡੀਓ Calling ਫੀਚਰ ਨੂੰ ਹੋਰ ਬਿਹਤਰ ਕੀਤਾ ਹੈ।
ਪਹਿਲਾਂ, ਭਾਗੀਦਾਰ ਸਕ੍ਰੀਨ ਸ਼ੇਅਰਿੰਗ ਸੈਸ਼ਨ ਦੌਰਾਨ ਮਾਈਕ੍ਰੋਫੋਨ ਤੋਂ ਕੈਪਚਰ ਕੀਤੇ ਬਾਹਰੀ ਆਡੀਓ ਨੂੰ ਸੁਣ ਸਕਦੇ ਸਨ। ਪਰ ਲੇਟੈਸਟ ਅਪਡੇਟ ਦੀ ਮਦਦ ਨਾਲ ਯੂਜ਼ਰਸ ਹੁਣ ਸਕ੍ਰੀਨ ਦੇ ਨਾਲ-ਨਾਲ ਡਿਵਾਈਸ ਆਡੀਓ ਵੀ ਸ਼ੇਅਰ ਕਰ ਸਕਦੇ ਹਨ, ਜੋ ਵੀਡੀਓ ਕਾਲ ਦੇ ਦੌਰਾਨ ਬਿਹਤਰ ਅਨੁਭਵ ਦਿੰਦਾ ਹੈ।
