ਸੋਨਾ ਚਾਂਦੀ ਦੀ ਦਰਾਮਦ ਡਿਊਟੀ ਨੂੰ ਲੈ ਕੇ ਸਰਕਾਰ ਨੇ GJEPC ਨੂੰ ਦਿੱਤਾ ਵੱਡਾ ਝਟਕਾ

0
211

ਨਵੀਂ ਦਿੱਲੀ: ਸਰਕਾਰ ਵੱਲੋਂ ਜਾਰੀ ਨੋਟੀਫਿਕੇਸ਼ਨ ਮੁਤਾਬਕ ਸਕਰੂ, ਹੁੱਕਾਂ, ਸਿੱਕਿਆਂ ‘ਤੇ ਦਰਾਮਦ ਡਿਊਟੀ 12.5 ਫੀਸਦੀ ਤੋਂ ਵਧਾ ਕੇ 15 ਫੀਸਦੀ ਕਰ ਦਿੱਤੀ ਗਈ ਹੈ। ਵਰਤਮਾਨ ਵਿੱਚ, ਭਾਰਤ ਵਿੱਚ ਸੋਨੇ ਅਤੇ ਚਾਂਦੀ ‘ਤੇ ਕੁੱਲ ਆਯਾਤ ਡਿਊਟੀ 15 ਪ੍ਰਤੀਸ਼ਤ (10 ਪ੍ਰਤੀਸ਼ਤ ਬੇਸਿਕ ਕਸਟਮ ਡਿਊਟੀ + 5 ਪ੍ਰਤੀਸ਼ਤ ਖੇਤੀਬਾੜੀ ਬੁਨਿਆਦੀ ਢਾਂਚਾ ਅਤੇ ਵਿਕਾਸ ਸੈੱਸ (AIDC) ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਭਾਰਤ ‘ਚ ਸੋਨੇ ਦੀਆਂ ਕੀਮਤਾਂ ਅੰਤਰਰਾਸ਼ਟਰੀ ਬੈਂਚਮਾਰਕ ਦੀਆਂ ਕੀਮਤਾਂ ਤੋਂ ਜ਼ਿਆਦਾ ਮੁੱਖ ਤੌਰ ‘ਤੇ ਇੰਪੋਰਟ ਡਿਊਟੀ ਕਾਰਨ ਹਨ। ਹਾਲਾਂਕਿ, ਮੁਦਰਾ ਮੁੱਲ ਅਤੇ ਮੰਗ-ਸਪਲਾਈ ਵਿੱਚ ਬਦਲਾਅ ਕੁਝ ਹੱਦ ਤੱਕ ਇਹ ਵੀ ਤੈਅ ਕਰਦੇ ਹਨ ਕਿ ਕੀ ਅੰਤ ਵਿੱਚ ਘਰੇਲੂ ਕੀਮਤਾਂ ਛੋਟ ਜਾਂ ਪ੍ਰੀਮੀਅਮ ‘ਤੇ ਹੋਣਗੀਆਂ।

ਜੀਜੇਈਪੀਸੀ ਨੇ ਕੀਮਤੀ ਧਾਤਾਂ ‘ਤੇ ਦਰਾਮਦ ਡਿਊਟੀ ਨੂੰ ਮੌਜੂਦਾ 15 ਫੀਸਦੀ ਤੋਂ ਘਟਾ ਕੇ 4 ਫੀਸਦੀ ਕਰਨ ਦੀ ਮੰਗ ਕਰ ਰਹੀ ਹੈ। ਬਜਟ 2024 ਵਿਚ ਕੱਟੇ ਅਤੇ ਪਾਲਿਸ਼ ਕੀਤੇ ਹੀਰਿਆਂ ‘ਤੇ ਕਸਟਮ ਡਿਊਟੀ ਮੌਜੂਦਾ 5 ਫੀਸਦੀ ਤੋਂ ਘਟਾ ਕੇ 2.5 ਫੀਸਦੀ ਕਰਨ ਦੀ ਮੰਗ ਕੀਤੀ ਗਈ ਹੈ।

ਜੀਜੇਈਪੀਸੀ (GJEPC) ਨੇ ਸਰਕਾਰ ਨੂੰ ਬਜਟ 2024 ਵਿੱਚ ਸੋਨੇ ਅਤੇ ਕੱਟੇ ਅਤੇ ਪਾਲਿਸ਼ ਕੀਤੇ ਹੀਰਿਆਂ ‘ਤੇ ਦਰਾਮਦ ਡਿਊਟੀ ਘਟਾਉਣ ਦੀ ਅਪੀਲ ਕੀਤੀ ਹੈ। ਕੌਂਸਲ ਚਾਹੁੰਦੀ ਹੈ ਕਿ ਇਸ ਖੇਤਰ ਨੂੰ ਵਿਸ਼ਵ ਪੱਧਰ ‘ਤੇ ਪ੍ਰਤੀਯੋਗੀ ਬਣੇ ਰਹਿਣ ਵਿਚ ਮਦਦ ਮਿਲ ਸਕੇ। ਭਾਰਤ ਦਾ ਰਤਨ ਅਤੇ ਗਹਿਣਾ ਉਦਯੋਗ ਸੋਨਾ, ਹੀਰੇ, ਚਾਂਦੀ ਅਤੇ ਰੰਗਦਾਰ ਰਤਨ ਸਮੇਤ ਕੱਚੇ ਮਾਲ ਲਈ ਦਰਾਮਦ ‘ਤੇ ਨਿਰਭਰ ਹੈ ।

LEAVE A REPLY

Please enter your comment!
Please enter your name here