ਹੈਲਥ ਨਿਊਜ਼ : ਬਦਲਦੇ ਮੌਸਮ ‘ਚ ਜ਼ੁਕਾਮ (Cold), ਖੰਘ (cough) ਅਤੇ ਬੁਖਾਰ ਦੀ ਸਮੱਸਿਆ ਆਮ ਹੈ। ਅਜਿਹੇ ‘ਚ ਸਿਹਤ ਦਾ ਧਿਆਨ ਰੱਖਣਾ ਬਹੁਤ ਜ਼ਰੂਰੀ ਹੈ। ਇਸ ਮੌਸਮ ‘ਚ ਸਰੀਰ ਨੂੰ ਸਿਹਤਮੰਦ ਰੱਖਣ ਲਈ ਕਈ ਤਰ੍ਹਾਂ ਦੇ ਭੋਜਨ ਖਾਣ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਅਕਸਰ ਖੰਘ ਅਤੇ ਜ਼ੁਕਾਮ ਤੋਂ ਬਚਣ ਲਈ ਲੋਕ ਅਦਰਕ ਦੇ ਰਸ ਅਤੇ ਸ਼ਹਿਦ ਦੀ ਵਰਤੋਂ ਕਰਦੇ ਹਨ। ਅਦਰਕ ਨੂੰ ਜ਼ੁਕਾਮ ਅਤੇ ਖਾਂਸੀ ਨੂੰ ਘੱਟ ਕਰਨ ਲਈ ਰਾਮਬਾਣ ਮੰਨਿਆ ਜਾਂਦਾ ਹੈ। ਜੇਕਰ ਤੁਹਾਨੂੰ ਵੀ ਅਦਰਕ ਦਾ ਟੇਸਟ ਪਸੰਦ ਨਹੀਂ ਹੈ ਤਾਂ ਤੁਸੀਂ ਇਸ ਨੂੰ ਹੋਰ ਤਰੀਕੇ ਨਾਲ ਵੀ ਟੇਸਟੀ ਬਣਾ ਸਕਦੇ ਹੋ। ਜੀ ਹਾਂ, ਅੱਜ ਤੁਸੀਂ ਅਦਰਕ ਦੀ ਕੈਂਡੀ ਨਾਲ ਵੀ ਖਾਣੇ ਦਾ ਸੁਆਦ ਵਧਾ ਸਕਦੇ ਹੋ। ਇਹ ਖਾਣ ‘ਚ ਸਵਾਦਿਸ਼ਟ ਹੁੰਦੇ ਹਨ ਅਤੇ ਸਿਹਤ ਲਈ ਵੀ ਫਾਇਦੇਮੰਦ ਹੁੰਦੇ ਹਨ। ਆਓ ਜਾਣਦੇ ਹਾਂ ਇਸ ਨੂੰ ਬਣਾਉਣ ਦੀ ਰੈਸਿਪੀ।
ਸਮੱਗਰੀ
ਅਦਰਕ – 200 ਗ੍ਰਾਮ
ਗੁੜ – 300 ਗ੍ਰਾਮ
ਹਲਦੀ – ਇੱਕ ਚੁਟਕੀ
ਲੂਣ – ਸੁਆਦ ਅਨੁਸਾਰ
ਨਾਰੀਅਲ ਅਤੇ ਸ਼ੂਗਰ ਪਾਊਡਰ – ਕੋਟ ਕਰਨ ਲਈ
ਬਣਾਉਣ ਦੀ ਵਿਧੀ
ਅਦਰਕ ਦੀ ਕੈਂਡੀ ਬਣਾਉਣ ਲਈ ਪਹਿਲਾਂ ਅਦਰਕ ਨੂੰ ਛਿੱਲ ਲਓ ਅਤੇ ਚੰਗੀ ਤਰ੍ਹਾਂ ਧੋ ਲਓ। ਹੁਣ ਇਸ ਨੂੰ ਪੀਸ ਲਓ।
- ਜਦੋਂ ਸਾਰਾ ਅਦਰਕ ਪੀਸ ਜਾਵੇ ਤਾਂ ਇਸ ‘ਚ ਗੁੜ ਮਿਲਾ ਲਵੋ ਫਿਰ ਅਦਰਕ ਅਤੇ ਗੁੜ ਨੂੰ ਇਕੱਠੇ ਮਿਕਸਰ ‘ਚ ਪੀਸ ਲਓ। ਹੁਣ ਤੁਹਾਨੂੰ ਇਸ ਪੇਸਟ ਨੂੰ ਪਕਾਉਣਾ ਹੈ।
- ਇਸ ਦੇ ਲਈ ਇਕ ਪੈਨ ਲਓ, ਇਸ ਨੂੰ ਗੈਸ ‘ਤੇ ਰੱਖ ਦਿਓ। ਜਦੋਂ ਪੈਨ ਗਰਮ ਹੋ ਜਾਵੇ ਤਾਂ ਇਸ ਮਿਸ਼ਰਣ ਨੂੰ ਪਾਓ। ਹੁਣ ਇਸ ਨੂੰ
ਲਗਾਤਾਰ ਹਿਲਾਉਂਦੇ ਹੋਏ 2-3 ਮਿੰਟ ਤੱਕ ਪਕਾਓ। - ਇਸ ਵਿਚ ਥੋੜ੍ਹਾ ਜਿਹਾ ਨਮਕ ਅਤੇ ਹਲਦੀ ਪਾਓ। ਇਸ ਤੋਂ ਬਾਅਦ ਇਸ ਨੂੰ 3-4 ਮਿੰਟ ਹੋਰ ਪਕਾਓ।
- ਮਿਸ਼ਰਣ ਨੂੰ ਇਕੱਠਾ ਕਰ ਲਓ, ਜੇਕਰ ਇਹ ਇਕੱਠਾ ਹੋ ਜਾਵੇ ਤਾਂ ਸਮਝ ਲਵੋ ਮਿਸ਼ਰਣ ਪਕ ਕੇ ਤਿਆਰ ਹੋ ਗਿਆ ਹੈ।
- ਹੁਣ ਇਸ ਮਿਸ਼ਰਣ ਨੂੰ ਪਲੇਟ ‘ਚ ਕੱਢ ਲਓ। ਇਸ ਨੂੰ ਠੰਡਾ ਹੋਣ ਲਈ ਛੱਡ ਦਿਓ। ਠੰਡਾ ਹੋਣ ਤੋਂ ਬਾਅਦ, ਆਪਣੀ ਪਸੰਦ ਦੇ ਆਕਾਰ ਵਿਚ ਇਸਦੀਆ ਛੋਟੀਆਂ ਕੈਂਡੀਜ਼ ਤਿਆਰ ਕਰੋ।
- ਕੋਟਿੰਗ ਲਈ ਨਾਰੀਅਲ ਪਾਊਡਰ ਅਤੇ ਚੀਨੀ ਨੂੰ ਮਿਲਾ ਕੇ ਇਸ ‘ਤੇ ਲਗਾਓ। ਹੁਣ ਸਾਰੀਆਂ ਕੈਂਡੀਆਂ ਨੂੰ ਕੋਟ ਕਰੋ ਅਤੇ ਉਨ੍ਹਾਂ ਨੂੰ ਏਅਰ ਟਾਈਟ ਕੰਟੇਨਰ ਵਿੱਚ ਰੱਖੋ ਅਤੇ ਰੋਜ਼ਾਨਾ ਇੱਕ ਕੈਂਡੀ ਦਾ ਆਨੰਦ ਲਓ।
