ਮੁੰਬਈ : ਮਿਸ ਵਰਲਡ 2025 ਮੁਕਾਬਲਾ ਦਾ ਆਯੋਜਿਤ ਇਸ ਭਾਰ ਭਾਰਤ ਦੇ ਤੇਲੰਗਾਨਾ ਰਾਜ ਦੀ ਰਾਜਧਾਨੀ ਹੈਦਰਾਬਾਦ ਵਿੱਚ ਕੀਤਾ ਗਿਆ ਸੀ, ਜਿੱਥੇ ਦੁਨੀਆ ਭਰ ਦੀਆਂ 108 ਸੁੰਦਰੀਆਂ ਨੇ ਆਪਣੀ ਪ੍ਰਤਿਭਾ ਅਤੇ ਸੁੰਦਰਤਾ ਦਾ ਪ੍ਰਦਰਸ਼ਨ ਕੀਤਾ। ਇਸੇ ਸਮੇਂ, ਪਿਛਲੀ ਸ਼ਾਮ ਇਸਦਾ ਗ੍ਰੈਂਡ ਫਿਨਾਲੇ ਹੋਇਆ ਅਤੇ ਥਾਈਲੈਂਡ ਦੀ ਓਪਲ ਸੁਚਾਤਾ ਚੁਆਂਗਸਰੀ ਨੇ ਇਹ ਪ੍ਰਤਿਸ਼ਠਿਤ ਖਿਤਾਬ ਆਪਣੇ ਨਾਮ ਕੀਤਾ। ਜਦੋਂ ਕਿ ਓਪਲ ਨੂੰ ਮਿਸ ਵਰਡ 2025 ਦਾ ਤਾਜ ਪਹਿਨਾਇਆ ਗਿਆ। ਇਸ ਦੇ ਨਾਲ ਹੀ, ਮਿਸ ਇਥੋਪੀਆ ਇਸਦੀ ਪਹਿਲੀ ਰਨਰ ਅੱਪ ਸੀ ਅਤੇ ਮਿਸ ਪੋਲੈਂਡ ਦੂਜੀ ਰਨਰ ਅੱਪ ਸੀ। ਓਪਲ ਸੁਚਾਤਾ ਮਿਸ ਵਰਲਡ 2025 ਬਣਨ ਤੋਂ ਬਾਅਦ ਤੋਂ ਹੀ ਖ਼ਬਰਾਂ ਵਿੱਚ ਹੈ।
ਥਾਈਲੈਂਡ ਦੀ ਸੁੰਦਰੀ ਓਪਲ ਸੁਚਾਤਾ ਚੁਆਂਗਸਰੀ ਨੇ 21 ਸਾਲ ਦੀ ਉਮਰ ਵਿੱਚ ਮਿਸ ਵਰਲਡ 2025 ਦਾ ਖਿਤਾਬ ਆਪਣੇ ਨਾਮ ਕੀਤਾ ਹੈ। ਓਪਲ ਦੀ ਜਿੱਤ ਨੇ ਨਾ ਸਿਰਫ ਥਾਈਲੈਂਡ ਦਾ ਮਾਣ ਵਧਾਇਆ ਹੈ, ਸਗੋਂ ਏਸ਼ੀਆ ਵਿੱਚ ਇੱਕ ਨਵੀਂ ਮਿਸ ਵਰਲਡ ਜੇਤੂ ਵੀ ਜੋੜੀ ਹੈ।
ਇਸ ਜਿੱਤ ਤੋਂ ਬਾਅਦ, ਸੁਚਾਤਾ ਨੇ ਕਿਹਾ, ‘ਮੇਰੇ ਦੇਸ਼ ਵਾਸੀ ਪਿਛਲੇ 72 ਸਾਲਾਂ ਤੋਂ ਮਿਸ ਵਰਲਡ ਦੇ ਪਹਿਲੇ ਖਿਤਾਬ ਦੀ ਉਡੀਕ ਕਰ ਰਹੇ ਸਨ।’ ਉਨ੍ਹਾਂ ਨੇ ਕਿਹਾ, ‘ਜਿਸ ਪਲ ਮੈਨੂੰ ਤਾਜ ਪਹਿਨਾਇਆ ਗਿਆ, ਮੈਂ ਆਪਣੀਆਂ ਅੱਖਾਂ ਦੇ ਸਾਹਮਣੇ ਸਿਰਫ਼ ਆਪਣੇ ਪਰਿਵਾਰ, ਆਪਣੇ ਲੋਕਾਂ, ਆਪਣੀ ਟੀਮ ਅਤੇ ਇਸ ਯਾਤਰਾ ਵਿੱਚ ਮੇਰਾ ਸਾਥ ਦੇਣ ਵਾਲੇ ਸਾਰੇ ਲੋਕਾਂ ਦੇ ਚਿਹਰੇ ਦੇਖ ਸਕੀ। ਮੈਂ ਹੋਰ ਇੰਤਜ਼ਾਰ ਨਹੀਂ ਕਰ ਸਕਦੀ, ਮੈਂ ਇਸ ਤਾਜ ਨਾਲ ਥਾਈਲੈਂਡ ਵਾਪਸ ਆਉਣ ਦੀ ਬੇਸਬਰੀ ਨਾਲ ਉਡੀਕ ਕਰ ਰਹੀ ਹਾਂ।’
ਇਸ ਦੇ ਨਾਲ ਹੀ, ਜਦੋਂ ਓਪਲ ਨੂੰ ਪੁੱਛਿਆ ਗਿਆ ਕਿ ਕੀ ਉਹ ਅਦਾਕਾਰੀ ਵਿੱਚ ਦਿਲਚਸਪੀ ਰੱਖਦੀ ਹੈ, ਤਾਂ ਉਨ੍ਹਾ ਨੇ ਕਿਹਾ, ‘ਹਾਂ, ਮੈਂ ਪਸੰਦ ਕਰਾਂਗੀ।’ ਫਿਰ ਜਦੋਂ ਉਨ੍ਹਾਂ ਨੂੰ ਪੁੱਛਿਆ ਗਿਆ ਕਿ ਕੀ ਉਹ ਬਾਲੀਵੁੱਡ ਤੋਂ ਕੋਈ ਪੇਸ਼ਕਸ਼ ਮਿਲਣ ‘ਤੇ ਇਹ ਕਰੇਗੀ? ਉਨ੍ਹਾਂ ਨੇ ਇਸ ਦਾ ਜਵਾਬ ਹਾਂ ਵਿੱਚ ਦਿੱਤਾ।
ਕੌਣ ਹੈ? ਓਪਲ ਸੁਚਾਤਾ ਚੁਆਂਗਸ਼੍ਰੀ
ਤੁਹਾਨੂੰ ਦੱਸ ਦੇਈਏ ਕਿ ਓਪਲ ਦਾ ਜਨਮ 20 ਸਤੰਬਰ 2003 ਨੂੰ ਹੋਇਆ ਸੀ। ਓਪਲ ਛਾਤੀ ਦੇ ਕੈਂਸਰ ਲਈ ਕੈਪਸ ਚਲਾਉਂਦੀ ਹੈ। ਦਰਅਸਲ, ਓਪਲ ਦੀ ਛਾਤੀ ਵਿੱਚ 16 ਸਾਲ ਦੀ ਉਮਰ ਵਿੱਚ ਇੱਕ ਗੰਢ ਸੀ। ਇਸ ਤੋਂ ਬਾਅਦ, ਸਰਜਰੀ ਰਾਹੀਂ ਉਸ ਗੰਢ ਨੂੰ ਹਟਾ ਦਿੱਤਾ ਗਿਆ। ਉਦੋਂ ਤੋਂ, ਓਪਲ ਨੇ ਬ੍ਰੇਸ੍ਟ ਕੈਂਪੇਨ ਸ਼ੁਰੂ ਕਰ ਦਿੱਤਾ। ਓਪਲ ਸੋਸ਼ਲ ਮੀਡੀਆ ‘ਤੇ ਬਹੁਤ ਐਕਟਿਵ ਰਹਿੰਦੀ ਹੈ। ਇੰਸਟਾਗ੍ਰਾਮ ‘ਤੇ ਉਸਦੇ 7 ਲੱਖ 43 ਹਜ਼ਾਰ ਫਾਲੋਅਰਜ਼ ਹਨ।
