ਮੁੰਬਈ : ਬਾਲੀਵੁੱਡ ਫਿਲਮ ਨਿਰਦੇਸ਼ਕ ਕਰਨ ਜੌਹਰ (Karan Johar) ਦੇ ਆਉਣ ਵਾਲੇ ਸ਼ੋਅ ‘ਦਿ ਟ੍ਰੇਟਰਸ’ ਨੂੰ ਲੈ ਕੇ ਹਰ ਰੋਜ਼ ਕੋਈ ਨਾ ਕੋਈ ਵੱਡੀ ਖ਼ਬਰ ਸਾਹਮਣੇ ਆਉਂਦੀ ਰਹਿੰਦੀ ਹੈ। ਪਹਿਲਾਂ ਇਹ ਆਪਣੇ ਮੁਕਾਬਲੇਬਾਜ਼ਾਂ ਦੀ ਲਿਸਟ ਕਾਰਨ ਸੁਰਖੀਆਂ ‘ਚ ਸੀ ਅਤੇ ਫਿਰ ਇਸ ਦੇ ਬਾਹਰ ਹੋਣ ਦੀਆਂ ਖ਼ਬਰਾਂ ਸਾਹਮਣੇ ਆਈਆਂ। ਹੁਣ ਇਸ ਸ਼ੋਅ ਦੇ ਜੇਤੂ ਦਾ ਐਲਾਨ ਵੀ ਹੋ ਗਿਆ ਹੈ।
ਇਕ ਰਿਪੋਰਟ ਮੁਤਾਬਕ ਉਰਫੀ ਜਾਵੇਦ (Urfi Javed) ਨੇ ਕਰਨ ਜੌਹਰ ਦੇ ਸ਼ੋਅ ‘ਦਿ ਟ੍ਰੇਟਰਸ’ ਦਾ ਖਿਤਾਬ ਜਿੱਤ ਲਿਆ ਹੈ, ਹਾਲਾਂਕਿ ਅਜੇ ਜ਼ਿਆਦਾ ਜਾਣਕਾਰੀ ਨਹੀਂ ਮਿਲੀ ਹੈ।
‘ਦ ਟ੍ਰੇਟਰਸ’ ਦੀ ਗੱਲ ਕਰੀਏ ਤਾਂ ਇਸ ਸ਼ੋਅ ਨੂੰ ਕਰਨ ਜੌਹਰ ਨੇ ਹੋਸਟ ਕੀਤਾ। ਇਸ ਦੀ ਸ਼ੂਟਿੰਗ ਰਾਜਸਥਾਨ ਦੇ ਜੈਸਲਮੇਰ ਵਿੱਚ 12 ਦਿਨਾਂ ਤੱਕ ਕੀਤੀ ਗਈ ਸੀ। ਸ਼ੋਅ ਦਾ ਸੰਕਲਪ ਗੇਮਾਂ ‘ਤੇ ਆਧਾਰਿਤ ਹੈ ਅਤੇ ਇਹ ਸਿਰਫ ਪ੍ਰਤੀਯੋਗੀਆਂ ਦੇ ਗੇਮ ਪਲੇ ‘ਤੇ ਫੋਕਸ ਕਰੇਗਾ ਨਾ ਕਿ ਉਨ੍ਹਾਂ ਦੀ ਨਿੱਜੀ ਜ਼ਿੰਦਗੀ ‘ਤੇ। ਇਸ ਸ਼ੋਅ ‘ਚ ਕਰਨ ਕੁੰਦਰਾ, ਉਰਫੀ ਜਾਵੇਦ, ਰਾਜ ਕੁੰਦਰਾ, ਜੰਨਤ ਜ਼ੁਬੈਰ, ਮਹੀਪ ਕਪੂਰ, ਸੁਧਾਂਸ਼ੂ ਪਾਂਡੇ, ਮੁਕੇਸ਼ ਛਾਬੜਾ ਸਮੇਤ ਕਈ ਹੋਰ ਮਸ਼ਹੂਰ ਚਿਹਰੇ ਨਜ਼ਰ ਆਉਣਗੇ। ਖ਼ਬਰ ਸੀ ਕਿ ਪਹਿਲਾਂ ਰਾਜ ਕੁੰਦਰਾ ਅਤੇ ਫਿਰ ਕਰਨ ਕੁੰਦਰਾ ਨੂੰ ਸ਼ੋਅ ਤੋਂ ਬਾਹਰ ਕਰ ਦਿੱਤਾ ਗਿਆ ਹੈ। ਇਹ ਸ਼ੋਅ ਐਮਾਜ਼ਾਨ ਪ੍ਰਾਈਮ ਵੀਡੀਓ ‘ਤੇ ਸਟ੍ਰੀਮ ਹੋਵੇਗਾ।
ਉਰਫੀ ਜਾਵੇਦ ਦੀ ਗੱਲ ਕਰੀਏ ਤਾਂ ਉਹ ਸੋਸ਼ਲ ਮੀਡੀਆ ਪ੍ਰਭਾਵਕ ਹੈ। ਅਦਾਕਾਰਾ ਆਪਣੇ ਫੈਸ਼ਨ ਸੈਂਸ ਅਤੇ ਬੋਲਡ ਬਿਆਨਾਂ ਲਈ ਵੀ ਕਾਫੀ ਟ੍ਰੋਲ ਹੋ ਜਾਂਦੀ ਹੈ। ਉਰਫੀ ਜਾਵੇਦ ਦੀ ਜ਼ਿੰਦਗੀ ‘ਤੇ ਆਧਾਰਿਤ ਵੈੱਬ ਸੀਰੀਜ਼ ‘ਫਾਲੋ ਕਰ ਲੋ ਯਾਰ’ ਨੇ ਵੀ ਕਾਫੀ ਸੁਰਖੀਆਂ ਬਟੋਰੀਆਂ ਸਨ। ਇਸ ਵਿੱਚ ਉਨ੍ਹਾਂ ਦੇ ਪਰਿਵਾਰ ਅਤੇ ਕੰਮ ਨਾਲ ਜੁੜੇ ਲੋਕਾਂ ਬਾਰੇ ਜਾਣਕਾਰੀ ਦੇਖਣ ਨੂੰ ਮਿਲੀ ਸੀ।
