ਸਪੋਰਟਸ ਨਿਊਜ਼ : ਵੈਨਕੂਵਰ ਨਾਈਟਸ (Vancouver Knights) ਨੇ ਜੀਟੀ20 ਕੈਨੇਡਾ 2024 ਲਈ ਮੁਹੰਮਦ ਰਿਜ਼ਵਾਨ (Mohammad Rizwan) ਨੂੰ ਆਪਣਾ ਕਪਤਾਨ ਨਿਯੁਕਤ ਕੀਤਾ ਹੈ। ਉਨ੍ਹਾਂ ਨੇ ਬਾਬਰ ਆਜ਼ਮ (Babar Azam) ਦੀ ਜਗ੍ਹਾ ਇਹ ਜ਼ਿੰਮੇਵਾਰੀ ਲਈ ਹੈ। ਲੀਗ ਦਾ ਚੌਥਾ ਸੀਜ਼ਨ 25 ਜੁਲਾਈ ਤੋਂ 11 ਅਗਸਤ ਤੱਕ ਬਰੈਂਪਟਨ ਸ਼ਹਿਰ ਵਿੱਚ ਖੇਡਿਆ ਜਾਵੇਗਾ।
ਜੀਟੀ20 ਕੈਨੇਡਾ ਫਰੈਂਚਾਇਜ਼ੀ ਨੇ ਇੱਕ ਬਿਆਨ ਵਿੱਚ ਕਿਹਾ, “ਵੈਨਕੂਵਰ ਨਾਈਟਸ ਨੇ ਜੀਟੀ20 ਸੀਜ਼ਨ 4 ਲਈ ਮੁਹੰਮਦ ਰਿਜ਼ਵਾਨ ਨੂੰ ਆਪਣਾ ਕਪਤਾਨ ਚੁਣਿਆ ਹੈ।” ਆਪਣੇ ਸ਼ਾਨਦਾਰ ਬੱਲੇਬਾਜ਼ੀ ਹੁਨਰ ਅਤੇ ਸ਼ਾਨਦਾਰ ਵਿਕਟਕੀਪਿੰਗ ਨਾਲ ਉਹ ਸਾਨੂੰ ਜਿੱਤ ਵੱਲ ਲੈ ਜਾਣ ਲਈ ਤਿਆਰ ਹੈ। ਤਿਆਰ ਹੋ ਜਾਓ, ਨਾਈਟਸ!’
ਰਿਜ਼ਵਾਨ ਨੇ ਕਦੇ ਵੀ ਅੰਤਰਰਾਸ਼ਟਰੀ ਪੱਧਰ ‘ਤੇ ਪਾਕਿਸਤਾਨ ਦੀ ਕਪਤਾਨੀ ਨਹੀਂ ਕੀਤੀ ਹੈ। ਪਰ ਉਨ੍ਹਾਂ ਨੇ ਪਾਕਿਸਤਾਨ ਸੁਪਰ ਲੀਗ (ਪੀ.ਐੱਸ.ਐੱਲ.) ‘ਚ ਮੁਲਤਾਨ ਸੁਲਤਾਨ ਦੀ ਕਪਤਾਨੀ ਕੀਤੀ ਹੈ। ਦੂਜੇ ਪਾਸੇ, ਬਾਬਰ ਇਸ ਸਮੇਂ ਪੀ.ਐਸ.ਐਲ ਵਿੱਚ ਪਾਕਿਸਤਾਨ ਦੀ ਰਾਸ਼ਟਰੀ ਟੀਮ ਅਤੇ ਪੇਸ਼ਾਵਰ ਜਾਲਮੀ ਦੀ ਕਪਤਾਨੀ ਕਰ ਰਹੇ ਹੈ।
ਨਾਈਟਸ ਟੀਮ ਵਿੱਚ ਚਾਰ ਪਾਕਿਸਤਾਨੀ ਕ੍ਰਿਕਟਰ ਸ਼ਾਮਲ ਹਨ ਜਿਸ ਵਿੱਚ ਰਿਜ਼ਵਾਨ, ਬਾਬਰ ਆਜ਼ਮ, ਤਜਰਬੇਕਾਰ ਤੇਜ਼ ਗੇਂਦਬਾਜ਼ ਮੁਹੰਮਦ ਆਮਿਰ ਅਤੇ ਮੱਧ ਕ੍ਰਮ ਦੇ ਬੱਲੇਬਾਜ਼ ਆਸਿਫ਼ ਅਲੀ ਸ਼ਾਮਲ ਹਨ। ਟੀਮ ਵਿੱਚ ਡਵੇਨ ਪ੍ਰੀਟੋਰੀਅਸ, ਸੰਦੀਪ ਲਾਮਿਛਾਨੇ, ਦੀਪੇਂਦਰ ਸਿੰਘ ਐਰੀ, ਪਾਲ ਵੈਨ ਮੀਕੇਰੇਨ ਅਤੇ ਰੂਬੇਨ ਟਰੰਪਲਮੈਨ ਵਰਗੇ ਅੰਤਰਰਾਸ਼ਟਰੀ ਖਿਡਾਰੀ ਵੀ ਸ਼ਾਮਲ ਹਨ।
