ਮੁੰਬਈ : ਦੱਖਣ ਦੀ ਆਉਣ ਵਾਲੀ ਫਿਲਮ ਵੇਟੈਯਾਨ (Vetaiyaan) ਦਾ ਨਵਾਂ ਪੋਸਟਰ ਸੋਸ਼ਲ ਮੀਡੀਆ ‘ਤੇ ਜਾਰੀ ਹੋ ਚੁੱਕਾ ਹੈ । ਮੋਸ਼ਨ ਪੋਸਟਰ ‘ਚ ਰਜਨੀਕਾਂਤ (Rajini kanth) ਦਾ ਵਿੰਟੇਜ ਲੁੱਕ ਦਿਖਾਇਆ ਗਿਆ ਹੈ ।ਤੁਹਾਨੂੰ ਦੱਸ ਦੇਈਏ ਕਿ ਇਸ ਆਉਣ ਵਾਲੀ ਫਿਲਮ ਦਾ ਨਿਰਦੇਸ਼ਨ ‘ਜੈ ਭੀਮ’ ਦੇ ਨਿਰਦੇਸ਼ਕ ਟੀਜੇ ਗਿਆਨਵੇਲ ਕਰ ਰਹੇ ਹਨ। ਇਹ ਫਿਲਮ ਕਾਫੀ ਸਮੇਂ ਤੋਂ ਚਰਚਾ ‘ਚ ਸੀ ।
57 -ਕੈਂਡ ਟਾਈਟ ਟੀਜ਼ਰ ਵਿੱਚ, ਰਜਨੀਕਾਂਤ ਨੂੰ ਉਨ੍ਹਾਂ ਦੀ ਪੂਰੀ ਸ਼ਾਲੀਨਤਾ ਅਤੇ ਸੈਲੀ ‘ਚ ਦਿਖਾਇਆ ਗਿਆ ਸੀ । ਹੁਣ ਤਾਜ਼ਾ ਅਪਡੇਟ ਵਿੱਚ, ਫਿਲਮ ਦੇ ਨਿਰਮਾਤਾਵਾਂ ਨੇ ਪੋਂਗਲ ਦੇ ਮੌਕੇ ‘ਤੇ ਫਿਲਮ ਦਾ ਨਵਾਂ ਪੋਸਟਰ ਜਾਰੀ ਕਰ ਦਰਸ਼ਕਾਂ ਦੀ ਉਤਸੁਕਤਾ ਵਧਾ ਦਿੱਤੀ ਹੈ।ਇਸ ਪੋਸਟਰ ਦੇ ਨਾਲ, ਮੇਕਰਸ ਟੀਮ ਨੇ ਦਰਸ਼ਕਾਂ ਨੂੰ ਪੋਂਗਲ ਦੀਆਂ ਵਧਾਈਆਂ ਵੀ ਦਿੱਤੀਆਂ ਹਨ। 
ਪੋਸਟਰ ਵਿੱਚ, ਅਦਾਕਾਰ ਨੂੰ ਉਨ੍ਹਾਂ ਦੀ ਪੁਰਾਣੀ ਲੁੱਕ ਵਿੱਚ ਦਿਖਾਇਆ ਗਿਆ ਹੈ ਜੋ ਕਿ ਬਹੁਤ ਸਾਰੀਆਂ ਫਿਲਮਾਂ ਵਿੱਚ ਦੇਖੀ ਗਈ ਸੀ ।ਦਰਅਸਲ, ਉਨ੍ਹਾਂ ਦਾ ਲੁੱਕ ਕਾਫੀ ਹੱਦ ਤੱਕ ਉਨ੍ਹਾਂ ਦੀ 1995 ਦੀ ਫਿਲਮ ‘ਬਾਸ਼ਾ’ ਦੀ ਯਾਦ ਦਿਵਾਉਂਦਾ ਹੈ । ਇਸ ਤੋਂ ਇਲਾਵਾ, ਦੂਜੇ ਪੋਸਟਰ ਵਿੱਚ ਰਜਨੀਕਾਂਤ ਨੂੰ ਭੀੜ ਦੀ ਅਗਵਾਈ ਕਰਦੇ ਹੋਏ ਦਿਖਾਇਆ ਗਿਆ ਹੈ।ਪੋਸਟਰ ‘ਚ ਉਹ ਭੀੜ ਦੇ ਸਾਹਮਣੇ ਨਾਅਰੇਬਾਜ਼ੀ ਕਰਦੇ ਹੋਏ ਨਜ਼ਰ ਆ ਰਹੇ ਹਨ।
