Breaking News
Home / Breaking News / ਮਨਸੇ ਵਰਕਰਾਂ ਦੀ ਗੁੰਡਾਗਰਦੀ, ਉੱਤਰ ਭਾਰਤੀਆਂ ਨੂੰ ਭਜਾ-ਭਜਾ ਕੇ ਕੁੱਟਿਆ

ਮਨਸੇ ਵਰਕਰਾਂ ਦੀ ਗੁੰਡਾਗਰਦੀ, ਉੱਤਰ ਭਾਰਤੀਆਂ ਨੂੰ ਭਜਾ-ਭਜਾ ਕੇ ਕੁੱਟਿਆ

ਸਾਂਗਲੀ, 11 ਅਕਤੂਬਰ (ਪੱਤਰ ਪ੍ਰੇਰਕ) : ਉੱਤਰ ਭਾਰਤੀਆਂ ਨਾਲ ਕੁੱਟਮਾਰ ‘ਤੇ ਹਮੇਸ਼ਾ ਆਪਣੀ ਸਿਆਸਤ ਦੀ ਜ਼ਮੀਨ ਤਿਆਰ ਕਰਨ ਵਾਲੀ ਰਾਜ ਠਾਕਰੇ ਦੀ ਪਾਰਟੀ ਐਮ.ਐਨ.ਐਸ. ਦਾ ਇਕ ਵਾਰ ਫਿਰ ਗੈਰ ਮਰਾਠੀਆਂ ‘ਤੇ ਗੁੱਸਾ ਨਿਕਲਿਆ ਹੈ। ਇਹ ਘਟਨਾ ਸਾਂਗਲੀ ਜ਼ਿਲ੍ਹੇ ਦੀ ਹੈ। ਰਾਜ ਠਾਕਰੇ ਦੇ ਵਰਕਰਾਂ ਨੇ ਇੱਥੇ ਗਰੀਬ ਉੱਤਰ ਭਾਰਤੀਆਂ ਨੂੰ ਦੌੜਾ-ਦੌੜਾ ਕੇ ਕੁੱਟਿਆ ਹੈ। ਮਨਸੇ ਦੀ ਇਸ ਗੁੰਡਾਗਰਦੀ ਦਾ ਬਕਾਇਦਾ ਇਕ ਦਰਦਨਾਕ ਵੀਡੀਓ ਸਾਹਮਣੇ ਆਇਆ ਹੈ। ਇਸ ‘ਚ ਮਨਸੇ ਦੇ ਗੁੰਡੇ ਬੇਰਹਿਮੀ ਨਾਲ ਉੱਤਰ ਭਾਰਤੀਆਂ ਦੀ ਕੁੱਟਮਾਰ ਕਰਦੇ ਨਜ਼ਰ ਆ ਰਹੇ ਹਨ। ਦਰਅਸਲ ਰਾਜ ਠਾਕਰੇ ਦੀ ਪਾਰਟੀ ਨੇ ਸਾਂਗਲੀ ‘ਚ ‘ਲਾਠੀ ਚਲਾਓ ਭਈਆ ਹਟਾਓ’ ਨਾਂ ਨਾਲ ਪਰ-ਸੂਬਾਈ ਹਟਾਓ ਮੁਹਿੰਮ ਸ਼ੁਰੂ ਕੀਤੀ ਹੈ। ਮਨਸੇ ਦਾ ਦੋਸ਼ ਹੈ ਕਿ ਸਾਂਗਲੀ ਸਥਿਤ ਐਮ.ਆਈ.ਡੀ.ਸੀ.’ਚ ਪਰ-ਸੂਬਾਈ ਨੂੰ ਨੌਕਰੀ ਦਿੱਤੀ ਜਾ ਰਹੀ ਹੈ। ਇੱਥੇ 80 ਫੀਸਦੀ ਨੌਕਰੀ ਸਿਰਫ ਮਰਾਠੀ ਲੋਕਾਂ ਨੂੰ ਦਿੱਤੀ ਜਾਵੇ। ਖਾਸ ਗੱਲ ਇਹ ਹੈ ਕਿ ਵੀਡੀਓ ਦੇ ਵਾਇਰਲ ਹੋਣ ਤੋਂ ਬਾਅਦ ਵੀ ਹਾਲੇ ਤੱਕ ਕੋਈ ਕਾਰਵਾਈ ਮਹਾਰਾਸ਼ਟਰ ਸਰਕਾਰ ਵੱਲੋਂ ਨਹੀਂ ਹੋਈ ਹੈ। ਲੋਕਾਂ ਨੂੰ ਕੁੱਟਣ ਵਾਲੇ ਆਜ਼ਾਦ ਘੁੰਮ ਰਹੇ ਹਨ ਅਤੇ ਸਾਂਗਲੀ ‘ਚ ਰਹਿਣ ਵਾਲੇ ਡਰੇ ਹੋਏ ਹਨ।

About admin

Check Also

ਟਰਾਲੇ ‘ਚ ਤੇਜ਼ ਰਫ਼ਤਾਰ ਇਨੋਵਾ ਵੱਜਣ ਕਾਰਨ ਦੋ ਨੌਜਵਾਨਾਂ ਦੀ ਮੌਤ

ਸੁਖਦਰਸ਼ਨ ਪਰਾਸ਼ਰ =============== ਦੋਰਾਹਾ, 22 ਮਈ : ਦੋਰਾਹਾ ਦੇ ਓਵਰਫਲਾਈ ਬਰਿੱਜ ‘ਤੇ ਵਾਪਰੇ ਇਕ ਭਿਆਨਕ …

Leave a Reply

Your email address will not be published. Required fields are marked *