Breaking News
Home / Breaking News / ਗੁਰਦਾਸਪੁਰ ਜ਼ਿਮਨੀ ਚੋਣ ਲਈ ਕਾਂਗਰਸ ‘ਜਾਖੜ’ ‘ਤੇ ਖੇਡ ਸਕਦੀ ਹੈ ਦਾਅ

ਗੁਰਦਾਸਪੁਰ ਜ਼ਿਮਨੀ ਚੋਣ ਲਈ ਕਾਂਗਰਸ ‘ਜਾਖੜ’ ‘ਤੇ ਖੇਡ ਸਕਦੀ ਹੈ ਦਾਅ

ਰਾਹੁਲ ਗਾਂਧੀ ਦੀ ਮੋਹਰ ਲੱਗਣੀ ਹੀ ਬਾਕੀ
ਅੰਮ੍ਰਿਤਸਰ,12 ਸਤੰਬਰ (ਵਿਨੈ ਕੋਛੜ): ਚੋਣ ਕਮਿਸ਼ਨ ਵੱਲੋਂ ਗੁਰਦਾਸਪੁਰ ‘ਚ ਚੋਣ ਜ਼ਾਬਤਾ ਲੱਗਣ ਤੋਂ ਬਾਅਦ ਹਰ ਇਕ ਰਾਜਨੀਤੀ ਪਾਰਟੀ ਨੇ ਆਪਣੇ ਕਿਹੜੇ ਉਮੀਦਵਾਰ ਨੂੰ ਚੋਣ ਮੈਦਾਨ ‘ਚ ਖੜ੍ਹਾ ਕਰਨਾ ਹੈ। ਇਸ ਦੇ ਲਈ ਹਰ ਇਕ ਪਾਰਟੀ ਨੇ ਇਸ ‘ਤੇ ਚਰਚਾ ਸ਼ੁਰੂ ਕਰ ਦਿੱਤੀ ਹੈ। ਪਰ ਦੇਸ਼ ਦੀ ਸਭ ਤੋਂ ਪੁਰਾਣੀ ਅਤੇ ਵੱਡੀ ਪਾਰਟੀ ਕਾਂਗਰਸ ਇਸ ਸੀਟ ਉੱਤੇ  ਸੀਨੀਅਰ ਅਤੇ ਕਦਾਵਰ ਨੇਤਾ ਸੁਨੀਲ ਜਾਖੜ ‘ਤੇ ਆਪਣਾ ਦਾਅ ਖੇਡ ਸਕਦੀ ਹੈ। ਬਸ ਇਸ ‘ਤੇ ਆਲ ਇੰਡੀਆ ਕਾਂਗਰਸ ਕਮੇਟੀ ਦੇ ਵਾਈਸ ਪ੍ਰਧਾਨ ਰਾਹੁਲ ਗਾਂਧੀ ਦੀ ਮੋਹਰ ਲੱਗਣੀ ਬਾਕੀ ਰਹਿ ਗਈ ਹੈ। ਸਾਂਸਦ ਵਿਨੋਦ ਖੰਨਾ ਦੀ ਮੌਤ ਤੋਂ ਬਾਅਦ ਗੁਰਦਾਸਪੁਰ ਸੀਟ ਖਾਲੀ ਪਈ ਹੈ। ਲੰਬੀ ਬਿਮਾਰੀ ਕਾਰਣ ਖੰਦਾ ਦਾ ਪਿਛਲੇ ਸਾਲ ਮੰਬਈ ਦੇ ਹਸਪਤਾਲ ‘ਚ ਦੇਹਾਂਤ ਹੋ ਗਿਆ ਸੀ। ਉਸ ਤੋਂ ਬਾਅਦ ਗੁਰਦਾਸਪੁਰ ਲੋਕ ਸਭਾ ਸੀਟ ਖਾਲੀ ਹੋ ਗਈ ਸੀ। ਦੂਜੇ ਪਾਸੇ ਭਾਜਪਾ ਦੀ ਗੱਲ ਕਰਿਏ ਤਾਂ ਪਾਰਟੀ ਨੇ ਹਾਲੇ ਆਪਣੇ ਕਿਸੇ ਵੀ ਉਮੀਦਵਾਰ ਦੇ ਨਾਮ ਦੀ ਚਰਚਾ ਨਹੀ ਕੀਤੀ ਹੈ। ਫਿਰ ਵੀ ਭਾਜਪਾ ਦੇ ਕੁੱਝ ਉਮੀਦਵਾਰ ਆਪਣੇ ਆਪ ‘ਚ ਇਸ ਸੀਟ ਦਾ ਪੱਕਾ ਉਮੀਦਵਾਰ ਸਮਝੀ ਬੈਠੇ ਹਨ। ਜਿੰਨ੍ਹਾਂ ‘ਚ ਖੰਨਾ ਦੀ ਦੂਜੀ ਪਤਨੀ ਕਵਿਤਾ ਖੰਨਾ ਅਤੇ ਭਾਜਪਾ ਦੇ ਕਦਾਵਰ ਨੇਤਾ ਅਵਿਨਾਸ਼ ਰਾਏ ਖੰਨਾ ਆਦਿ ਸ਼ਾਮਲ ਹਨ। ਇੰਨ੍ਹਾਂ ‘ਚ ਕੌਣ ਇਸ ਸੀਟ ਦਾ ਭਾਜਪਾ ਵੱਲੋਂ ਉਮੀਦਾਵਾਰ ਹੋਵੇਗਾ। ਇਸ ਦਾ ਫੈਸਲਾ ਤਾਂ ਭਾਜਪਾ ਹਾਈਕਮਾਂਡ ਹੀ ਕਰੇਗੀ। ਭਾਜਪਾ ਤਾਂ ਚਾਹਵੇਗੀ ਕਿ ਉਹ ਆਪਣੇ ਹੱਥੋ ਇਸ ਸੀਟ ਨੂੰ ਨਾਂ ਹੀ ਗੁਆਉਣ। ਕਿਉਂ ਕਿ ਇਸ ਤੋਂ ਪਹਿਲਾ ਭਾਜਪਾ ਦੇ ਉਮੀਦਾਵਾਰ ਵਿਨੋਦ ਖੰਨਾ ਨੇ ਇਸ ਸੀਟ ਤੋਂ ਵਿਰੋਧੀ ਕਾਂਗਰਸ ਦੇ ਉਮੀਦਵਾਰ ਨੂੰ ਵੱਡੇ ਅੰਤਰਾਲ ਨਾਲ ਹਾਰਿਆ ਸੀ। ਪਰ ਇਸ ਵਾਰ ਕਾਂਗਰਸ ਨੇ ਵੀ ਮਨ ਬਣਾ ਲਿਆ ਹੈ ਕਿ ਉਹ ਇਸ ਸੀਟ ਨੂੰ ਆਪਣੇ ਹੱਥ ਤੋਂ ਜਾਣ ਨਹੀਂ ਦੇਵੇਗੀ।  ਇਸ ਲਈ ਸੁਨੀਲ ਜਾਖੜ ਨੂੰ ਇਸ ਸੀਟ ਤੋਂ ਲੜ੍ਹਾਉਣ ਦੀ ਪੂਰੀ ਕੋਸ਼ਿਸ਼ ਕੀਤੀ ਜਾ ਰਹੀ। ਕੋਸ਼ਿਸ਼ ਕਾਫੀ ਹੱਦ ਤੱਕ ਕਾਮਯਾਬ ਵੀ ਹੋ ਗਈ ਹੈ। ਬਸ ਰਾਹੁਲ ਗਾਂਧੀ ਦੀ ਮੋਹਰ ਲੱਗਣੀ ਬਾਕੀ ਰਹਿ ਗਈ ਹੈ। ਉਧਰ ਕਾਂਗਰਸ ਬਾਜਵਾ ਪਰਿਵਾਰ ‘ਚੋਂ ਕਿਸੇ ਨੂੰ ਇਹ ਟਿਕਟ ਦੇਣ ‘ਚ ਦਿਲਚਸਪੀ ਨਹੀ ਦਿਖਾ ਰਹੀ। ਇੱਥੇ ਦੱਸਣਾ ਬਣਦਾ ਹੈ ਕਿ ਬਾਜਵਾ ਨੇ ਆਪਣੇ ਐਮ.ਪੀ ਕਾਰਜਕਾਲ ‘ਚ ਗੁਰਦਾਸਪੁਰ ‘ਚ ਕੋਈ ਵਿਕਾਸ ਨਹੀ ਕੀਤਾ ਸੀ। ਜਿਸ ਕਾਰਣ ਉਥੋਂ ਦੀ ਜਨਤਾ ਬਾਜਵਾ ਦੇ ਵਿਰੁੱਧ ਸੀ। ਜਿਸ ਦੀ ਰਿਪੋਰਟ ਕਾਂਗਰਸ ਹਾਈਕਮਾਂਡ ਕੋਲ ਗਈ ਸੀ।

About admin

Check Also

ਨਵਜੋਤ ਨੂੰ ਡੀ.ਐਸ.ਪੀ. ਬਣਾਉਣ ਦਾ ਕੈਪਟਨ ਵੱਲੋਂ ਭਰੋਸਾ

ਚੰਡੀਗੜ, 8 ਮਾਰਚ (ਪੱਤਰ ਪ੍ਰੇਰਕ) : ਦੇਸ਼ ਦੇ ਨਾਂ ਨੂੰ ਸੁਨਹਿਰੀ ਅੱਖਰਾਂ ਵਿੱਚ ਚਮਕਾਉਣ ਵਾਲੀ …

Leave a Reply

Your email address will not be published. Required fields are marked *