Breaking News
Home / Breaking News / ਅਮਿਤ ਸ਼ਾਹ ਵੱਲੋਂ ਗੁਜਰਾਤ ਵਿਧਾਨ ਸਭਾ ਤੋਂ ਅਸਤੀਫ਼ਾ

ਅਮਿਤ ਸ਼ਾਹ ਵੱਲੋਂ ਗੁਜਰਾਤ ਵਿਧਾਨ ਸਭਾ ਤੋਂ ਅਸਤੀਫ਼ਾ

ਗਾਂਧੀਨਗਰ, 9 ਅਗਸਤ  (ਪੱਤਰ ਪ੍ਰੇਰਕ) : ਭਾਰਤੀ ਜਨਤਾ ਪਾਰਟੀ ਦੇ ਪ੍ਰਧਾਨ ਅਮਿਤ ਸ਼ਾਹ ਨੇ ਰਾਜ ਸਭਾ ਦਾ ਮੈਂਬਰ ਚੁਣੇ ਜਾਣ ਦੇ ਬਾਅਦ ਅੱਜ ਗੁਜਰਾਤ ਦੇ ਨਾਰਾਣਪੁਰਾ ਵਿਧਾਨ ਸਭਾ ਖੇਤਰ ਦੀ ਮੈਂਬਰਸ਼ਿਪ ਤੋਂ ਅਸਤੀਫਾ ਦੇ ਦਿੱਤਾ ਹੈ, ਜਿਸ ਨੂੰ ਵਿਧਾਨ ਸਭਾ ਪ੍ਰਧਾਨ ਰਮਨਲਾਲ ਵੋਰ੍ਹਾ ਨੇ ਤੁਰੰਤ ਸਵੀਕਾਰ ਕਰ ਲਿਆ। ਸ਼ਾਹ ਨੇ ਵਿਧਾਨ ਸਭਾ ਦੇ ਕੱਲ੍ਹ ਤੋਂ ਸ਼ੁਰੂ ਹੋਏ ਸੰਖੇਪ ਮਾਨਸੂਨ ਸੈਸ਼ਨ ਦੇ ਆਖ਼ਰੀ ਦਿਨ ਸਦਨ ਦੀ ਕਾਰਵਾਈ ‘ਚ ਹਿੱਸਾ ਲੈਣ ਦੇ ਬਾਅਦ ਪ੍ਰਧਾਨ ਸ਼੍ਰੀ ਵੋਰਾ ਨੂੰ ਆਪਣਾ ਤਿਆਗ ਪੱਤਰ ਸੌਂਪਿਆ। ਇਸ ਮੌਕੇ ‘ਤੇ ਮੁੱਖ ਮੰਤਰੀ ਵਿਜੈ ਰੂਪਾਣੀ, ਪ੍ਰਦੇਸ਼ ਭਾਜਪਾ
ਪ੍ਰਧਾਨ ਜੀਤੂ ਵਾਘਾਣੀ ਅਤੇ ਪ੍ਰਦੇਸ਼ ਇੰਚਾਰਜ਼ ਭੁਪੇਂਦਰ ਯਾਦਵ ਸਮੇਤ 8 ਹੋਰ ਸੀਨੀਅਰ ਨੇਤਾ ਅਤੇ ਮੰਤਰੀ ਮੌਜੂਦ ਸਨ। ਵੋਰਾ ਨੇ ਦੱਸਿਆ ਕਿ ਉਨ੍ਹਾਂ ਨੇ ਸ਼ਾਹ ਦਾ ਅਸਤੀਫਾ ਸਵੀਕਾਰ ਕਰ ਲਿਆ ਹੈ। ਇਸ ਤੋਂ ਪਹਿਲੇ ਸ਼ਾਹ ਨੇ ਇੱਥੇ ਮਹਾਤਮਾ ਮੰਦਰ ਦੇ ਅਸਥਾਈ ਵਿਧਾਨਸਭਾ ਨਾਲ ਲੱਗਦੇ ਸਦਨ ਦੀ ਕਾਰਵਾਈ ‘ਚ ਹਿੱਸਾ ਲੈਂਦੇ ਹੋਏ ਸੰਬੋਧਨ ‘ਚ ਕਾਂਗਰਸ ‘ਤੇ ਸਖ਼ਤ ਵਾਰ ਕੀਤਾ ਅਤੇ ਉਸ ਨੂੰ ਗੁਜਰਾਤ ਦੀ ਜੀਵਨ ਰੇਖਾ ਕਿਤੇ ਜਾਣ ਵਾਲੀ ਨਰਮਦਾ ਪ੍ਰਾਜੈਕਟ ਦਾ ਵਿਰੋਧੀ ਦੱਸਿਆ। 52 ਸਾਲਾ ਸ਼ਾਹ ਪਹਿਲੀ ਵਾਰ 1995 ‘ਚ ਫਿਰ ਸਰਖੇਜ ਵਿਧਾਨਸਭਾ ਖੇਤਰ ਤੋਂ ਜਿੱਤੇ ਸਨ ਅਤੇ 2007 ਤੱਕ ਲਗਾਤਾਰ ਤਿੰਨ ਵਾਰ ਉਥੋਂ ਜਿੱਤਦੇ ਰਹੇ। ਨਵੀਂ ਹੱਦਬੰਦੀ ‘ਚ ਸਰਖੇਜ ਦੀ ਮੌਜੂਦਗੀ ਖਤਮ ਹੋਣ ਦੇ ਬਾਅਦ ਪਿਛਲੀ ਵਾਰ 2012 ‘ਚ ਉਹ ਨਾਰਾਣਪੁਰਾ ਜਿੱਤੇ ਸਨ। ਉਹ ਗੁਜਰਾਤ ਦੀ ਨਰਿੰਦਰ ਮੋਦੀ ਸਰਕਾਰ ‘ਚ ਗ੍ਰਹਿ ਮੰਤਰੀ ਦੇ ਇਲਾਵਾ ਕਈ ਹੋਰ ਵਿਭਾਗਾਂ ‘ਚ ਵੀ ਮੰਤਰੀ ਰਹੇ ਸਨ।

About admin

Check Also

ਨੀਰਵ ਮੋਦੀ ਤੇ ਚੌਕਸੀ ਖਿਲਾਫ਼ ਹੋ ਸਕਦੈ ਰੈਡ ਕਾਰਨਰ ਨੋਟਿਸ ਜਾਰੀ ਸੀ. ਬੀ. ਆਈ. ਨੇ ਇੰਟਰਪੋਲ ਨੂੰ ਕੀਤੀ ਅਪੀਲ

ਪੱਤਰ ਪ੍ਰੇਰਕ ================ ਨਵੀਂ ਦਿੱਲੀ, 11 ਜੂਨ :ਪੀ. ਐਨ. ਬੀ. ਘੁਟਾਲੇ ਵਿੱਚ ਨੀਰਵ ਮੋਦੀ ਅਤੇ …

Leave a Reply

Your email address will not be published. Required fields are marked *