Breaking News
Home / Punjab / ‘ਵਰਲਡ ਵਿਜ਼ਨ ਇੰਡੀਆ’ ਵੱਲੋਂ ਸਰਵੇਖਣ ਭਾਰਤ ‘ਚ ਹਰ ਦੂਜਾ ਬੱਚਾ ਜਿਣਸੀ ਸ਼ੋਸ਼ਣ ਦਾ ਸ਼ਿਕਾਰ

‘ਵਰਲਡ ਵਿਜ਼ਨ ਇੰਡੀਆ’ ਵੱਲੋਂ ਸਰਵੇਖਣ ਭਾਰਤ ‘ਚ ਹਰ ਦੂਜਾ ਬੱਚਾ ਜਿਣਸੀ ਸ਼ੋਸ਼ਣ ਦਾ ਸ਼ਿਕਾਰ

ਚੰਡੀਗੜ੍ਹ, 18 ਮਈ (ਪੱਤਰ ਪ੍ਰੇਰਕ) :  ਦੇਸ਼ ਵਿੱਚ 12 ਤੋਂ 18 ਸਾਲ ਦੀ ਉਮਰ ਦਾ ਹਰ ਦੂਜਾ ਬੱਚਾ ਜਿਣਸੀ ਸ਼ੋਸ਼ਣ ਝੱਲਦਾ ਹੈ। ਇਹ ਕਰੀਬ 45,000 ਬੱਚਿਆਂ ਉੱਤੇ ਹੋਏ ਸਰਵੇ ਦਾ ਖ਼ੁਲਾਸਾ ਹੈ। ਮਨੁੱਖੀ ਅਧਿਕਾਰਾਂ ਲਈ ਕੰਮ ਕਰਨ ਵਾਲੀ ਸੰਸਥਾ ‘ਵਰਲਡ ਵਿਜ਼ਨ ਇੰਡੀਆ’ ਨੇ ਇਹ ਸਰਵੇ ਕੀਤਾ ਹੈ। ਇਸ ਸੰਸਥਾ ਨੇ ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ਦੇ 45,844 ਬੱਚਿਆਂ ਦੀ ਪ੍ਰਤੀਕ੍ਰਿਆ ਵੀ ਲਈ। ਸਰਵੇ ਵਿੱਚ ਇਹ ਵੀ ਖ਼ੁਲਾਸਾ ਹੋਇਆ ਹੈ ਹਰ ਪੰਜ ਵਿੱਚੋਂ ਇੱਕ ਬੱਚਾ ਖ਼ੁਦ ਨੂੰ ਜਿਣਸੀ ਸ਼ੋਸ਼ਣ ਪ੍ਰਤੀ ਮਹਿਫ਼ੂਜ਼ ਨਹੀਂ ਮਹਿਸੂਸ ਕਰਦਾ। ਸਰਵੇ ਦੀ ਮੰਨੀਏ ਤਾਂ ਚਾਰ ਵਿੱਚੋਂ ਇੱਕ ਪਰਿਵਾਰ ਨੇ ਬੱਚੇ ਨਾਲ ਹੋਏ ਸ਼ੋਸ਼ਣ ਦੀ ਸ਼ਿਕਾਇਤ ਨਹੀਂ ਕੀਤੀ। ‘ਵਰਲਡ ਵਿਜ਼ਨ ਇੰਡੀਆ’ ਦੇ ਕੌਮੀ ਡਾਇਰੈਕਟਰ ਚੇਰੀਅਨ ਥਾਮਸ ਨੇ 2021 ਤੱਕ ਬਾਲ ਸ਼ੋਸ਼ਣ ਨੂੰ ਪੂਰੀ ਤਰ੍ਹਾਂ ਖ਼ਤਮ ਕਰਨ ਲਈ ਇੱਕ ਅਭਿਆਨ ਦਾ ਆਗਾਜ਼ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਹਰ ਦੂਸਰਾ ਬੱਚਾ ਜਿਣਸੀ ਸ਼ੋਸ਼ਣ ਦਾ ਸ਼ਿਕਾਰ ਹੁੰਦਾ ਹੈ। ਇਸ ਦੇ ਬਾਵਜੂਦ ਇਸ ਨੂੰ ਲੈ ਕੇ ਚੁੱਪੀ ਪਸਰੀ ਹੋਈ ਹੈ। ਉੱਥੇ ਹੀ ਇਹ ਵੀ ਚੰਗੀ ਤਰ੍ਹਾਂ ਨਹੀਂ ਪਤਾ ਹੈ ਕਿ ਬੱਚੇ ਕਿਸ ਹੱਦ ਤੱਕ ਜਿਨਸੀ ਸ਼ੋਸ਼ਣ ਝੱਲ ਰਹੇ ਹਨ। ਸੰਗਠਨ ਵੱਲੋਂ ਸ਼ੁਰੂ ਕੀਤਾ ਗਏ ਅਭਿਆਨ ਇੱਟ ਟੈਕਸ ਦ ਵਰਲਡ ਟੂ ਐਂਡ ਵਾਇਲੈਂਸ ਅਗੇਂਸਟ ਚਿਲਡਰਨ ਤਹਿਤ ਦੇਸ਼ ਦੇ 25 ਰਾਜਾਂ ਤੇ ਇੱਕ ਕੇਂਦਰ ਸ਼ਾਸਿਤ ਖੇਤਰ ਵਿੱਚ ਰਹਿਣ ਵਾਲੇ ਇੱਕ ਕਰੋੜ ਬੱਚਿਆਂ ਨੂੰ ਜਿਣਸੀ ਸ਼ੋਸ਼ਣ ਤੋਂ ਮੁਕਤੀ ਦਿਵਾਉਣਾ ਹੈ। ਥਾਮਸ ਨੇ ਕਿਹਾ ਕਿ ਸਾਡੇ ਖੇਤਰੀ ਪ੍ਰੋਗਰਾਮ ਦੇ
ਨਾਲ ਹੀ ਇਸ ਮੁਹਿੰਮ ਨੂੰ ਵੀ ਅਮਲ ਵਿੱਚ ਲਿਆਂਦਾ ਜਾਵੇਗਾ। ਇਸ ਮੁਹਿੰਮ ਵਿੱਚ ਹਰ ਵਰਗ ਦੇ ਲੋਕਾਂ ਨੂੰ ਜੋੜਿਆ ਜਾਵੇਗਾ ਤਾਂਕਿ ਬੱਚਿਆਂ ਦੀ ਸੁਰੱਖਿਆ ਯਕੀਨੀ ਬਣਾਈ ਜਾਵੇ। ਉਨ੍ਹਾਂ ਕਿਹਾ ਕਿ ਜਿਨਸੀ ਸ਼ੋਸ਼ਣ ਸਬੰਧੀ ਬੱਚਿਆਂ ਨੂੰ ਵੱਖ-ਵੱਖ ਤਰੀਕਿਆਂ ਰਾਹੀਂ ਜਾਗਰੂਕ ਕੀਤਾ ਜਾਵੇਗਾ ਤਾਂਕਿ ਉਹ ਚੁੱਪ ਨਾ ਹੋਣ ਤੇ ਬੁਰੀ ਮਨਸ਼ਾ ਨੂੰ ਸਮੇਂ ਉੱਤੇ ਪਛਾਣ ਸਕਣ।

About admin

Check Also

ਸ੍ਰੀ ਕੇਸਗੜ੍ਹ ਸਾਹਿਬ ਵਿਖੇ ਨਤਮਸਤਕ ਹੋਏ ਯਸ਼ਵੰਤ ਸਿਨਹਾ ਅਤੇ ਸ਼ਤਰੂਘਨ ਸਿਨਹਾ  

ਆਨੰਦਪੁਰ ਸਾਹਿਬ, 21 ਮਈ(ਪੱਤਰ ਪ੍ਰੇਰਕ) : ਰਾਸ਼ਟਰ ਮੰਚ ਦੇ ਆਗੂ ਯਸ਼ਵੰਤ ਸਿਨਹਾ ਅਤੇ ਸ਼ਤਰੂਘਨ ਸਿਨਹਾ …

Leave a Reply

Your email address will not be published. Required fields are marked *