Breaking News
Home / Punjab / ਸਟੇਟ ਬੈਂਕ ਦੀ ਸਰਾਵਾਂ ਬਰਾਂਚ ‘ਚ ਦਿਨ-ਦਿਹਾੜੇ 10 ਲੱਖ ਦੀ ਡਕੈਤੀ ਮੋਟਰਸਾਈਕਲ ਸਵਾਰ ਲੁਟੇਰਿਆਂ ਨੇ ਘਟਨਾ ਨੂੰ ਅੰਜ਼ਾਮ

ਸਟੇਟ ਬੈਂਕ ਦੀ ਸਰਾਵਾਂ ਬਰਾਂਚ ‘ਚ ਦਿਨ-ਦਿਹਾੜੇ 10 ਲੱਖ ਦੀ ਡਕੈਤੀ ਮੋਟਰਸਾਈਕਲ ਸਵਾਰ ਲੁਟੇਰਿਆਂ ਨੇ ਘਟਨਾ ਨੂੰ ਅੰਜ਼ਾਮ

ਮਲੋਟ/ਲੰਬੀ, 3 ਮਈ (ਆਰਤੀ ਕਮਲ) : ਨੇੜਲੇ ਪਿੰਡ ਸਰਾਵਾਂ ਬੋਦਲਾਂ ਵਿਖੇ ਉਸ ਸਮੇਂ ਸਨਸਨੀ ਫੈਲ ਗਈ ਜਦ ਪਿੰਡ ਦੀ ਪੰਜਾਬ ਨੈਸ਼ਨਲ ਬੈਂਕ ਦੀ ਮਰਜ ਹੋ ਕਿ ਹੁਣ ਸਟੇਟ ਬੈਂਕ ਆਫ ਇੰਡੀਆ ਬਣ ਚੁੱਕੀ ਬਰਾਂਚ ਤੋਂ ਲੁਟੇਰਿਆਂ ਨੇ ਹਥਿਆਰਾਂ ਦੀ ਨੋਕ ‘ਤੇ ਨਗਦੀ ਲੁੱਟ ਲਈ । ਮੌਕੇ ਤੋਂ ਇਕੱਤਰ ਕੀਤੀ ਜਾਣਕਾਰੀ ਅਨੁਸਾਰ 6 ਦੇ ਕਰੀਬ ਲੁਟੇਰੇ ਤਿੰਨ ਕਾਲੇ ਰੰਗ ਮੋਟਰਸਾਈਕਲਾਂ ‘ਤੇ ਸਵਾਰ ਹੋ ਕਿ ਆਏ ਅਤੇ ਉਹਨਾਂ ਕੋਲ ਤਿੰਨ ਬੰਦੂਕਾਂ ਵੀ ਸਨ । ਉਸ ਸਮੇਂ ਬੈਂਕ ਵਿਚ ਕੁੱਲ 2 ਕਰਮਚਾਰੀ
ਸਨ ਹਾਲਾਂਕਿ ਰੋਜਮਰ੍ਹਾ ਬੈਂਕ ਵਿਚ ਕੁੱਲ 5 ਮੁਲਾਜਮ ਹੁੰਦੇ ਹਨ ਜਿਹਨਾਂ ਵਿਚੋਂ 3 ਅੱਜ ਛੁੱਟੀ ਤੇ ਸਨ ਅਤੇ 2 ਮੁਲਾਜਮ ਬੈਂਕ ਅੰਦਰ ਮੌਜੂਦ ਸਨ । ਦੁਪਹਿਰ ਲੰਚ ਟਾਈਮ ਤੇ ਕਰੀਬ ਪੌਣੇ ਤਿੰਨ ਵਜੇ ਇਹ ਨਕਾਬਪੋਸ਼ ਲੁਟੇਰੇ ਇਕ ਦਮ ਬੈਂਕ ਵਿਚ ਦਾਖਲ ਹੋਏ ਅਤੇ ਮੁਲਾਜਮਾਂ ਤੇ ਹਥਿਆਰ ਤਾਨ ਲਏ । ਕਥਿਤ ਤੌਰ ਤੇ ਹਥਿਆਰ ਦੀ ਨੋਕ ਤੇ ਲੁਟੇਰੇ ਕੈਸ਼ ‘ਚ ਪਈ 10 ਲੱਖ ਰੁਪਏ ਦੇ ਕਰੀਬ ਦੀ ਨਗਦੀ ਅਤੇ ਕਰੀਬ 4-5 ਤੋਲਾ ਸੋਨਾ ਵੀ ਲੈ ਕਿ ਲੁਟੇਰੇ ਫਰਾਰ ਹੋ ਗਏ । ਮੌਕੇ ਤੇ ਮੌਜੂਦ ਕੁਝ ਪ੍ਰਤੱਖ ਦਰਸ਼ੀਆਂ ਅਨੁਸਾਰ ਲੁਟੇਰਿਆਂ ਨੇ ਆਪਣੇ ਮੂੰਹ ਕਪੜੇ ਨਾਲ ਬੰਨ੍ਹੇ ਹੋਏ ਸਨ । ਲੁਟੇਰੇ ਐਨੇ ਸ਼ਾਤਿਰ ਸਨ ਕਿ ਜਾਂਦੇ ਵਕਤ ਸੀਸੀਟੀਵੀ ਕੈਮਰਿਆਂ ਦੀ ਡੀਵੀਆਰ ਅਤੇ ਬੈਂਕ ਸਟਾਫ ਦੇ ਮੋਬਾਇਲ ਵੀ ਨਾਲ ਹੀ ਲੈ ਗਏ । ਇਥੋਂ ਤੱਕ ਮੁਲਾਜਮਾਂ ਨੂੰ ਅੰਦਰ ਬੰਦ ਕਰਕੇ ਬਾਹਰੋਂ ਤਾਲਾ ਲਾ ਗਏ । ਲੁੱਟ ਦੀ ਸੂਚਨਾ ਮਿਲਦੇ ਹੀ ਥਾਣਾ ਕਬਰਵਾਲਾ ਦੀ ਪੁਲਿਸ ਟੀਮ ਤੁਰੰਤ ਮੌਕੇ ਤੇ ਪੁੱਜ ਗਈ ਅਤੇ ਦੇਖਦਿਆਂ ਹੀ ਡੀਆਈਜੀ ਅਤੇ ਐਸਐਸਪੀ ਸਮੇਤ ਡੀਐਸਪੀ ਮਲੋਟ ਤੇ ਤਹਿਸੀਲਦਾਰ ਮਲੋਟ ਸਾਰੇ ਉਚ ਅਧਿਕਾਰੀ ਵੀ ਮੌਕੇ ਤੇ ਪੁੱਜ ਗਏ । ਖਬਰ ਲਿਖੇ ਜਾਣ ਤੱਕ ਥਾਣਾ ਕਬਰਵਾਲਾ ਪੁਲਿਸ ਵੱਲੋਂ ਬਰੀਕੀ ਨਾਲ ਛਾਣਬੀਣ ਕੀਤੀ ਜਾ ਰਹੀ ਸੀ ਅਤੇ ਲੁੱਟੇਰਿਆਂ ਦੀ ਭਾਲ ਲਈ ਨਾਲ ਲੱਗਦੇ ਹਰਿਆਣਾ ਤੇ ਰਾਜਸਥਾਨ ਸਰਹੱਦ ਦੀ ਪੁਲਿਸ ਨੂੰ ਵੀ ਸੂਚਿਤ ਕੀਤਾ ਜਾ ਚੁੱਕਾ ਸੀ । ਡੀਆਈਜੀ ਨੇ ਕਿਹਾ ਕਿ ਪੁਲਿਸ ਵੱਲੋਂ ਹਰ ਪੱਖ ਤੋਂ ਜਾਂਚ ਜਾਰੀ ਹੈ ਅਤੇ ਲੁਟੇਰੇ ਜਲਦ ਕਾਬੂ ਕਰ ਲਏ ਜਾਣਗੇ ।

About admin

Check Also

ਬਾਦਲ ਨੇ ਅਮਿਤ ਨੂੰ ਕੀਤੇ ਅਣਗੌਲਿਆਂ ਕਰਨ ਦੇ ਗਿਲੇ

ਕਮਲਾ ਸ਼ਰਮਾ ================ ਚੰਡੀਗੜ੍ਹ, 7 ਜੂਨ : ਚੰਡੀਗੜ੍ਹ ਵਿਖੇ ਬੰਦ ਕਮਰਾ ਮੀਟਿੰਗ ਦੌਰਾਨ ਸ਼੍ਰੋਮਣੀ ਅਕਾਲੀ …

Leave a Reply

Your email address will not be published. Required fields are marked *