Breaking News
Home / Sikhs / ‘ਮੈਂ ਮਜ਼ਬੂਤ ਇਸ ਲਈ ਹਾਂ ਕਿਉਂਕਿ ਮੈਂ ਸਿੱਖ ਹਾਂ’

‘ਮੈਂ ਮਜ਼ਬੂਤ ਇਸ ਲਈ ਹਾਂ ਕਿਉਂਕਿ ਮੈਂ ਸਿੱਖ ਹਾਂ’

ਵਾਸ਼ਿੰਗਟਨ, 4 ਅਪ੍ਰੈਲ (ਚੜ੍ਹਦੀਕਲਾ ਬਿਊਰੋ) : ਇਕ ਪੰਜਾਬੀ ਪੰਜਾਬ ਤੋਂ ਬਾਹਰ ਰਹਿ ਸਕਦਾ ਹੈ ਪਰ ਉਸ ਵਿਚੋਂ ਪੰਜਾਬੀਅਤ ਬਾਹਰ ਨਹੀਂ ਰਹਿ ਸਕਦੀ। ਨਿੱਕੀ ਹੈਲੇ ਉਰਫ਼ ਨਿੱਕੀ ਰੰਧਾਵਾ ਜਿਸ ਨੂੰ ਅਮਰੀਕਾ ਨੇ ਯੂ.ਐਨ.ਓ. ਦਾ ਅਬੈਂਸਡਰ ਬਣਾਇਆ ਹੈ ਕਿ ਉਹ ਇਸ ਲਈ ਮਜ਼ਬੂਤ ਹੈ ਕਿਉਂਕਿ ਉਸ ਦਾ ਪਾਲਣ ਪੋਸ਼ਣ ਮਜ਼ਬੂਤੀ ਨਾਲ ਹੋਇਆ ਹੈ। ਉਸ ਨੂੰ ਅਜਿਹੇ ਮਾਂ-ਬਾਪ ਨੇ ਪਾਲਿਆ ਹੈ ਜੋ ਪੰਜਾਬ ਦੇ ਸਿੱਖ ਪਰਿਵਾਰ ਵਿਚੋਂ ਹਨ। ਨਿੱਕੀ ਦਾ ਕਹਿਣਾ ਹੈ ਕਿ ਉਹ ਆਪਣਾ ਕੰਮ ਆਪਣੀ ਸਮਰੱਥਾ ਅਨੁਸਾਰ ਵਧੀਆ ਕਰਦੀ ਹੈ ਕਿਉਂਕਿ ਉਸ ਦਾ ਪਾਲਣ ਪੋਸ਼ਣ ਮਜ਼ਬੂਤੀ ਨਾਲ ਹੋਇਆ ਹੈ। ਉਹ ਦੋ ਭਰਾਵਾਂ ਅਤੇ ਇਕ ਭੈਣ ਦੀ ਭੈਣ ਹੈ। ਉਸ ਦੇ ਪਿਤਾ ਅਜੀਤ ਸਿੰਘ ਰੰਧਾਵਾ ਅੰਮ੍ਰਿਤਸਰ ਦੇ ਰਹਿਣ ਵਾਲੇ ਹਨ ਜੋ ਕਿ ਖੇਤੀ ਵਿਗਿਆਨ ਦੇ ਪ੍ਰੋਫੈਸਰ ਰਹੇ ਹਨ। ਨਿੱਕੀ ਦੀ ਮਾਤਾ ਰਾਜ ਕੌਰ ਰੰਧਾਵਾ ਹੈ। ਉਸ ਦਾ ਇਕ ਭਰਾ ਮਿੱਟੀ ਰੰਧਾਵਾ 1990-91 ਵਿਚ ਆਪ੍ਰੇਸ਼ਨ ਡੈਜ਼ਰਟ ਸਟਰੌਮ ਵਿਚ ਹਿੱਸਾ ਲੈ ਚੁੱਕਾ ਹੈ ਅਤੇ ਹੁਣ ਉਹ ਇਕ ਕੰਪਨੀ ਚਲਾ ਰਿਹਾ ਹੈ। ਨਿੱਕੀ ਰੰਧਾਵਾ ਨੂੰ ਯੂ.ਐਨ.ਓ. ਦਾ ਅਬੈਂਸਡਰ ਬਣਾਇਆ ਗਿਆ ਹੈ ਅਤੇ ਉਸ ਨੂੰ ਕੈਬਨਿਟ ਪੱਧਰ ਦੀਆਂ ਸਹੂਲਤਾਂ ਮਿਲੀਆਂ ਹਨ। ਨਿੱਕੀ ਨੇ ਸੰਯੁਕਤ ਰਾਸ਼ਟਰ ਮਨੁੱਖੀ ਅਧਿਕਾਰ ਕੌਂਸਲ ਨੂੰ ਭ੍ਰਿਸ਼ਟ ਦੱਸਿਆ ਹੈ ਅਤੇ ਇਹ ਵੀ ਕਿਹਾ ਹੈ ਕਿ ਯੂ.ਐਨ.ਓ. ਇਸ ਭ੍ਰਿਸ਼ਟ ਸਿਸਟਮ ਦਾ ਹਿੱਸਾ ਹੈ। ਉਸ ਦਾ ਕਹਿਣਾ ਹੈ ਕਿ ਸੀਰੀਆ ਦਾ ਰਾਸ਼ਟਰਪਤੀ ਬਸ਼ਰ ਅਲ ਅਸਦ ਇਕ ਵਾਰ ਕ੍ਰਿਮਿਨਲ ਹੈ। ਉਹ ਚਾਹੁੰਦੀ ਹੈ ਕਿ ਯੂ.ਐਨ.ਓ. ਵਿਚ ਤਬਦੀਲੀਆਂ ਹੋਣੀਆਂ ਚਾਹੀਦੀਆਂ ਹਨ। ਇਕ ਟੀ.ਵੀ. ਰਿਪੋਰਟ ਨੇ ਉਸ ਨੂੰ ‘ਮੈਡਮ ਪ੍ਰੈਜੀਡੈਂਟ’ ਵੀ ਕਿਹਾ, ਕਿਉਂਕਿ ਉਹ ਇਸ ਮਹੀਨੇ ਸਕਿਊਰਿਟੀ ਕੌਂਸਲ ਦੀ ਪ੍ਰਧਾਨਗੀ ਵੀ ਕਰ ਚੁੱਕੀ ਹੈ। ਉਸ ਨੇ ਇਹ ਇਸ਼ਾਰਾ ਵੀ ਦਿੱਤਾ ਹੈ ਕਿ ਅਗਲੇ 8 ਸਾਲਾਂ ਤੋਂ ਬਾਅਦ ਉਹ ਅਮਰੀਕਾ ਦੀ ਰਾਸ਼ਟਰਪਤੀ ਵੀ ਬਣ ਸਕਦੀ ਹੈ। ਸੰਯੁਕਤ ਰਾਸ਼ਟਰ ‘ਚ ਅਮਰੀਕਾ ਦੀ ਰਾਜਦੂਤ ਭਾਰਤੀ ਮੂਲ ਦੀ ਨਿੱਕੀ ਹੈਲੀ ਦੀ ਜ਼ਿੰਦਗੀ ਬਾਰੇ ਬਹੁਤ ਘੱਟ ਜਾਣਦੇ ਹੋਣਗੇ। ਨਿੱਕੀ ਹੈਲੀ ਦਾ ਸੰਬੰਧ ਸਿੱਖ ਪਰਿਵਾਰ ਨਾਲ ਹੈ ਅਤੇ ਉਨ੍ਹਾਂ ਦਾ

ਅਸਲੀ ਨਾਂ ਨਿਮਰਤਾ ਰੰਧਾਵਾ ਹੈ। ਨਿੱਕੀ ਨੇ ਮੰਗਲਵਾਰ ਨੂੰ ਪੱਤਰਕਾਰ ਸੰਮੇਲਨ ਨੂੰ ਸੰਬੋਧਨ ਕਰਦੇ ਹੋਏ ਆਪਣੇ ਭਾਰਤੀ ਮੂਲ ਬਾਰੇ ਗੱਲ ਕੀਤੀ। ਨਿੱਕੀ ਨੇ ਕਿਹਾ ਕਿ ਉਨ੍ਹਾਂ ਦੇ ਸਿੱਖ ਮਾਤਾ-ਪਿਤਾ ਨੇ ਉਨ੍ਹਾਂ ਨੂੰ ਪਾਲਣ-ਪੋਸ਼ਣ ਦੌਰਾਨ ਮਜ਼ਬੂਤ ਬਣਾਇਆ। ਆਜ਼ਾਦ ਅਤੇ ਖੁੱਲ੍ਹ ਕੇ ਬੋਲਣ ਦੀ ਸਮਰੱਥਾ ਦੇ ਉਨ੍ਹਾਂ ਦੇ ਗੁਣ ਬਾਰੇ ਪੁੱਛੇ ਜਾਣ ‘ਤੇ ਨਿੱਕੀ ਨੇ ਕਿਹਾ, ”ਲੋਕਾਂ ਨੂੰ ਲੱਗਦਾ ਹੈ ਕਿ ਕੁਝ ਵੱਡਾ ਹਾਸਲ ਕਰਨਾ ਮੇਰਾ ਟੀਚਾ ਹੈ, ਜਦਕਿ ਸੱਚਾਈ ਇਹ ਹੈ ਕਿ ਮੈਂ ਭਾਰਤੀ ਮਾਂ-ਬਾਪ ਦੀ ਧੀ ਹਾਂ, ਜਿਨ੍ਹਾਂ ਨੇ ਮੈਨੂੰ ਕਿਹਾ ਕਿ ਤੂੰ ਜੋ ਵੀ ਕਰੇ ਆਪਣੇ ਵਲੋਂ ਵਧੀਆ ਕਰੇ ਅਤੇ ਯਕੀਨੀ ਕਰੇ ਕਿ ਲੋਕ ਤੈਨੂੰ ਇਸ ਲਈ ਯਾਦ ਰੱਖਣ। ਮੈਂ ਇਹ ਹੀ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹਾਂ।”
ਨਿੱਕੀ ਨੇ ਅੱਗੇ ਕਿਹਾ ਮੈਨੂੰ ਬਸ ਇਹ ਪਤਾ ਹੈ ਕਿ ਆਪਣੀ ਸਮਰੱਥਾ ਮੁਤਾਬਕ ਵਧੀਆ ਤਰੀਕੇ ਨਾਲ ਕੰਮ ਕਰਨਾ ਹੈ। ਮੈਂ ਦੋ ਭਰਾਵਾਂ ਅਤੇ ਇਕ ਭੈਣ ‘ਚੋਂ ਹਾਂ ਅਤੇ ਸਾਡੇ ਮਾਂ-ਬਾਪ ਨੇ ਸਾਡਾ ਅਜਿਹਾ ਪਾਲਣ-ਪੋਸ਼ਣ ਕੀਤਾ ਕਿ ਅਸੀਂ ਮਜ਼ਬੂਤ ਬਣੀਏ। ਨਿੱਕੀ ਦਾ ਅਸਲੀ ਨਾਲ ਨਿਮਰਤਾ ਰੰਧਾਵਾ ਅਤੇ ਉਨ੍ਹਾਂ ਦੇ ਪਿਤਾ ਅਜੀਤ ਸਿੰਘ ਰੰਧਾਵਾ ਅਤੇ ਮਾਤਾ ਰਾਜ ਕੌਰ ਰੰਧਾਵਾ ਹਨ, ਜੋ ਕਿ 1960 ਦੇ ਦਹਾਕੇ ‘ਚ ਕੈਨੇਡਾ ਤੋਂ ਬਾਅਦ ਅਮਰੀਕਾ ਵਿਚ ਆ ਕੇ ਵਸ ਗਏ ਸਨ। ਉਂਝ ਨਿੱਕੀ ਅਤੇ ਉਸ ਦੇ ਮਾਤਾ-ਪਿਤਾ ਪੰਜਾਬ ਦੇ ਅੰਮ੍ਰਿਤਸਰ ਤੋਂ ਹਨ। ਉਨ੍ਹਾਂ ਦੇ ਪਿਤਾ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਦੇ ਪ੍ਰੋਫੈਸਰ ਸਨ ਅਤੇ ਮਾਂ ਨੇ ਦਿੱਲੀ ਯੂਨੀਵਰਸਿਟੀ ਤੋਂ ਲਾਅ (ਕਾਨੂੰਨ) ‘ਚ ਗਰੈਜੂਏਟ ਦੀ ਡਿਗਰੀ ਪ੍ਰਾਪਤ ਕੀਤੀ ਸੀ।

About admin

Check Also

ਜਗਤਾਰ ਸਿੰਘ ਢੀਂਡਸਾ ਇੰਗਲੈਂਡ ਦੇ ਸ਼ਹਿਰ ਵਟਫੋਰਡ ਕੌਂਸਲ ਦੇ ਚੇਅਰਮੈਨ ਬਣੇ

ਲੰਡਨ, 27 ਮਈ (ਪੱਤਰ ਪ੍ਰੇਰਕ) : ਕੌਂਸਲਰ ਜਗਤਾਰ ਸਿੰਘ ਢੀਂਡਸਾ ਇੰਗਲੈਂਡ ਦੇ ਸ਼ਹਿਰ ਵਟਫੋਰਡ ਦੀ …

Leave a Reply

Your email address will not be published. Required fields are marked *