Breaking News
Home / India / ਰੱਖਿਆ ਮੰਤਰੀ ਵੱਲੋਂ ਡੀ.ਆਰ.ਡੀ.ਓ. ਸਮਾਗਮ ਨੂੰ ਸੰਬੋਧਨ ਪਾਕਿ ਆਪਣੇ ਦੁਸ਼ਮਣਾਂ ਵਿਰੁੱਧ ਵਰਤ ਰਿਹੈ ਰਸਾਇਣਿਕ ਹਥਿਆਰ: ਪਾਰੀਕਰ

ਰੱਖਿਆ ਮੰਤਰੀ ਵੱਲੋਂ ਡੀ.ਆਰ.ਡੀ.ਓ. ਸਮਾਗਮ ਨੂੰ ਸੰਬੋਧਨ ਪਾਕਿ ਆਪਣੇ ਦੁਸ਼ਮਣਾਂ ਵਿਰੁੱਧ ਵਰਤ ਰਿਹੈ ਰਸਾਇਣਿਕ ਹਥਿਆਰ: ਪਾਰੀਕਰ

ਨਵੀਂ ਦਿੱਲੀ, 2 ਮਾਰਚ (ਚ.ਨ.ਸ.) :  ਪਾਕਿਸਤਾਨ ਆਪਣੇ ਦੁਸ਼ਮਣਾਂ ਵਿਰੁੱਧ ਰਸਾਇਣਿਕ ਹਥਿਆਰਾਂ ਦੀ ਵਰਤੋਂ ਕਰ ਰਿਹਾ ਹੈ। ਇਸ ਖਦਸ਼ੇ ਨੂੰ ਦੇਸ਼ ਦੇ ਰੱਖਿਆ ਮੰਤਰੀ ਮਨੋਹਰ ਪਾਰੀਕਰ ਦੇ ਵੀਰਵਾਰ ਨੂੰ ਦਿੱਤੇ ਇਕ ਬਿਆਨ ਨਾਲ ਹੁੰਗਾਰਾ ਮਿਲਿਆ। ਡੀ. ਆਰ. ਡੀ. ਓ. ਦੇ ਇਕ ਪ੍ਰੋਗਰਾਮ ‘ਚ ਪਾਰੀਕਰ ਨੇ ਕਿਹਾ, ”ਅਫਗਾਨਿਸਤਾਨ ‘ਚ ਉੱਤਰੀ ਹਿੱਸਿਆਂ ਤੋਂ ਕਈ ਅਜਿਹੀਆਂ ਰਿਪੋਰਟਾਂ ਆਈਆਂ ਹਨ, ਜਿਥੇ ਮੈਂ ਤਸਵੀਰਾਂ ‘ਚ ਦੇਖਿਆ ਕਿ ਸਥਾਨਕ ਲੋਕ ਸਰੀਰ ‘ਤੇ ਕਿਸੇ ਕਿਸਮ ਦੇ ਕੈਮੀਕਲ ਹਥਿਆਰ ਨਾਲ ਪ੍ਰਭਾਵਿਤ ਨਜ਼ਰ ਆਉਂਦੇ ਹਨ।” ਰੱਖਿਆ ਮੰਤਰੀ ਅਨੁਸਾਰ ਇਹ ਤਸਵੀਰਾਂ ਹੈਰਾਨ ਕਰਨ ਵਾਲੀਆਂ ਹਨ, ਅਜਿਹੇ ਹਾਲਾਤ ਦੇ ਮੱਦੇਨਜ਼ਰ ਕਿਸੇ ਵੀ ਤਰ੍ਹਾਂ ਦੀ ਘਟਨਾ ਦਾ ਜਵਾਬ ਦੇਣ ਲਈ ਅਸੀਂ ਵੀ ਤਿਆਰ-ਬਰ-ਤਿਆਰ ਹਾਂ। ਹਾਲ ਹੀ ‘ਚ ਪਾਕਿਸਤਾਨ ਵਲੋਂ ਅਫਗਾਨਿਸਤਾਨ ਸਰਹੱਦ ਨਾਲ ਲੱਗਦੇ ਇਲਾਕਿਆਂ ‘ਚ ਅੱਤਵਾਦੀਆਂ ਵਿਰੁੱਧ ਜ਼ਬਰਦਸਤ ਆਪ੍ਰੇਸ਼ਨ ਚਲਾਏ ਜਾਣ ਦੀ ਗੱਲ ਸਾਹਮਣੇ ਆਈ ਸੀ। ਰਾਮਜਸ ਕਾਲਜ ਘਟਨਾਕ੍ਰਮ ਦੇ ਮੱਦੇਨਜ਼ਰ ਵਿਚਾਰਾਂ ਦੇ ਪ੍ਰਗਟਾਵੇ ਦੀ ਆਜ਼ਾਦੀ ਨੂੰ ਲੈ ਕੇ ਪਿਛਲੇ ਕੁਝ ਦਿਨਾਂ ਤੋਂ ਮਚੇ ਬਵਾਲ ਦਰਮਿਆਨ ਰੱਖਿਆ ਮੰਤਰੀ ਮਨੋਹਰ ਪਾਰੀਕਰ ਨੇ ਅੱਜ ਕਿਹਾ ਕਿ ਉਹ ਵਿਚਾਰਾਂ ਦੇ ਪ੍ਰਗਟਾਵੇ ਦੀ ਆਜ਼ਾਦੀ ਦੇ ਪੱਖ ‘ਚ ਹਨ ਪਰ ਇਹ ਕਾਨੂੰਨ ਦੇ ਘੇਰੇ ‘ਚ ਹੀ ਹੋਣੀ ਚਾਹੀਦੀ ਹੈ। ਫੌਜੀ ਭਰਤੀ ਦਾ ਪਰਚਾ ਲੀਕ ਹੋ ਜਾਣ ਦੇ ਮਾਮਲੇ ‘ਚ ਉਨ੍ਹਾਂ ਕਿਹਾ ਕਿ ਫੌਜ ਇਸ ਮਾਮਲੇ ਦੀ ਅੰਦਰੂਨੀ ਜਾਂਚ ਕਰ ਰਹੀ ਹੈ ਅਤੇ ਰੱਖਿਆ ਮੰਤਰਾਲਾ ਨੇ ਇਸ ਦੀ ਸੀ. ਬੀ. ਆਈ. ਕੋਲੋਂ ਜਾਂਚ ਕਰਵਾਏ ਜਾਣ ਦੀ ਸਿਫਾਰਿਸ਼ ਕੀਤੀ ਹੈ। ਯਾਦ ਰਹੇ ਕਿ ਪਿਛਲੇ ਹਫਤੇ ਫੌਜੀ ਭਰਤੀ ਦਾ ਪਰਚਾ ਲੀਕ ਹੋ ਜਾਣ ਕਾਰਨ ਇਸ ਨੂੰ ਰੱਦ ਕਰਨਾ ਪਿਆ ਸੀ।

About admin

Check Also

ਪੰਜਾਬ ਦੀ ਵਿਰਾਸਤ ਦਾ ਹਿੱਸਾ  ਹੈ ਵਿਗਿਆਨਕ ਖੋਜ ਦਾ ਖੇਤਰ : ਕੋਵਿੰਦ

ਸੁਖਵਿੰਦਰ ਕੌਰ, ਭੁਪਿੰਦਰ ਗਰੇਵਾਲ ਐਸ.ਏ.ਐਸ. ਨਗਰ, 20 ਮਈ: ਦੇਸ਼ ਦੇ ਰਾਸ਼ਟਰਪਤੀ ਸ੍ਰੀ ਰਾਮ ਨਾਥ ਕੋਵਿੰਦ …

Leave a Reply

Your email address will not be published. Required fields are marked *