ਫਤਿਹਾਬਾਦ : ਸੀ.ਐੱਮ.ਫਲਾਇੰਗ (CM Flying) ਅਤੇ ਐੱਸ.ਡੀ.ਐੱਮ (SDM) ਨੇ ਅੱਜ ਫਤਿਹਾਬਾਦ (Fatehabad) ਦੇ ਜਨ ਸਿਹਤ ਵਿਭਾਗ ਦੇ ਦਫਤਰ ‘ਤੇ ਛਾਪਾ ਮਾਰਿਆ। ਇਸ ਦੌਰਾਨ ਟੀਮ ਨੂੰ ਦੇਖ ਕੇ ਹਾਜ਼ਰ ਮੁਲਾਜ਼ਮਾਂ ਤੇ ਅਧਿਕਾਰੀਆਂ ਵਿੱਚ ਹੜਕੰਪ ਮੱਚ ਗਿਆ। ਜਨ ਸਿਹਤ ਵਿਭਾਗ ਦੇ ਦਫ਼ਤਰ ਵਿੱਚ ਕਈ ਮੁਲਾਜ਼ਮ ਦੇਰੀ ਨਾਲ ਡਿਊਟੀ ’ਤੇ ਪੁੱਜੇ। ਦੇਰੀ ਨਾਲ ਆਏ ਮੁਲਾਜ਼ਮਾਂ ਤੋਂ ਸਵਾਲ-ਜਵਾਬ ਵੀ ਕੀਤੇ ਗਏ।
ਦਫਤਰ ਤੋਂ 6 ਕਰਮਚਾਰੀ ਪਾਏ ਗਏ ਗਾਇਬ
ਟੀਮ ਅਨੁਸਾਰ 6 ਕਰਮਚਾਰੀ ਗੈਰ ਹਾਜ਼ਰ ਪਾਏ ਗਏ। ਜਨ ਸਿਹਤ ਵਿਭਾਗ ਦੇ ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਵੱਲੋਂ ਪਿਛਲੇ ਕਈ ਦਿਨਾਂ ਤੋਂ ਸ਼ਿਕਾਇਤਾਂ ਮਿਲ ਰਹੀਆਂ ਸਨ। ਜਿਸ ਵਿੱਚ ਦੱਸਿਆ ਜਾ ਰਿਹਾ ਸੀ ਕਿ ਅਧਿਕਾਰੀ ਸਮੇਂ ਸਿਰ ਨਹੀਂ ਆ ਰਹੇ। ਅਜਿਹੀ ਸਥਿਤੀ ਵਿੱਚ ਉਹ ਹਾਜ਼ਰੀ ਆਦਿ ਵੀ ਨਹੀਂ ਰੱਖ ਰਹੇ। ਇਸ ਸੂਚਨਾ ‘ਤੇ ਐਸ.ਡੀ.ਐਮ ਰਾਜੇਸ਼ ਕੁਮਾਰ, ਸੀ.ਐਮ ਫਲਾਇੰਗ, ਸਬ ਇੰਸਪੈਕਟਰ ਕੁਲਦੀਪ, ਐਸ.ਆਈ ਸੁਰਿੰਦਰ, ਰਾਮਫਲ ਆਦਿ ਦੀ ਟੀਮ ਨੇ ਜਾਂਚ ਕੀਤੀ।
ਸੀ.ਐਮ ਫਲਾਇੰਗ ਨੇ ਪਾਣੀ ਦੇ ਲਏ ਸੈਂਪਲ
ਜਿਵੇਂ ਹੀ ਉਹ ਜਨ ਸਿਹਤ ਦਫ਼ਤਰ ਪਹੁੰਚੇ, ਟੀਮ ਨੇ ਸਭ ਤੋਂ ਪਹਿਲਾਂ ਹਾਜ਼ਰੀ ਰਜਿਸਟਰ ਦੀ ਜਾਂਚ ਕੀਤੀ। ਜਿਸ ਵਿੱਚ ਕਈ ਮੁਲਾਜ਼ਮ ਨਹੀਂ ਪਾਏ ਗਏ। ਅਜਿਹੇ ‘ਚ ਹੁਣ ਇਨ੍ਹਾਂ ਮੁਲਾਜ਼ਮਾਂ ਨੂੰ ਨੋਟਿਸ ਜਾਰੀ ਕਰਕੇ ਜਵਾਬ ਮੰਗਿਆ ਜਾਵੇਗਾ। ਪਾਣੀ ਦੇ ਸੈਂਪਲ ਵੀ ਲਏ ਗਏ ਹਨ। ਇੱਥੋਂ ਕਰੀਬ ਤਿੰਨ ਸੈਂਪਲ ਲਏ ਗਏ। ਸੀ.ਐਮ ਫਲਾਇੰਗ ਟੀਮ ਆਪਣੇ ਪੱਧਰ ‘ਤੇ ਇਸ ਦੀ ਜਾਂਚ ਕਰੇਗੀ। ਲੋਕਾਂ ਨੇ ਦੋਸ਼ ਲਾਇਆ ਕਿ ਉਨ੍ਹਾਂ ਦੇ ਘਰਾਂ ਨੂੰ ਆ ਰਿਹਾ ਪਾਣੀ ਗੰਦਾ ਹੈ। ਇਹੀ ਕਾਰਨ ਹੈ ਕਿ ਸੀ.ਐਮ ਫਲਾਇੰਗ ਅਤੇ ਅਧਿਕਾਰੀਆਂ ਨੇ ਪਾਣੀ ਦੇ ਸੈਂਪਲ ਲਏ ਹਨ। ਜੇਕਰ ਇਹ ਪਾਣੀ ਦੀ ਰਿਪੋਰਟ ਗਲਤ ਹੈ ਤਾਂ ਅਧਿਕਾਰੀਆਂ ਖ਼ਿਲਾਫ਼ ਕਾਰਵਾਈ ਕੀਤੀ ਜਾ ਸਕਦੀ ਹੈ।
