ਵਾਰਾਣਸੀ : ਆਈ.ਆਈ.ਟੀ ਬੀ.ਐਚ.ਯੂ ਕੈਂਪਸ ਵਿੱਚ ਅੱਧੀ ਰਾਤ ਨੂੰ ਬੀ.ਟੈੱਕ ਦੀ ਵਿਦਿਆਰਥਣ ਨਾਲ ਸਮੂਹਿਕ ਬਲਾਤਕਾਰ ਕਰਨ ਵਾਲੇ ਤਿੰਨ ਮੁਲਜ਼ਮਾਂ ਨੂੰ 60 ਦਿਨਾਂ ਬਾਅਦ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ। ਸਮੂਹਿਕ ਬਲਾਤਕਾਰ ਦੇ ਦੋਸ਼ੀ ਕੁਨਾਲ ਪਾਂਡੇ, ਅਭਿਸ਼ੇਕ ਚੌਹਾਨ ਅਤੇ ਸਕਸ਼ਮ ਪਟੇਲ ਤਿੰਨੋਂ ਵਾਰਾਣਸੀ ਦੇ ਰਹਿਣ ਵਾਲੇ ਹਨ। ਵਾਰਦਾਤ ਵਿੱਚ ਵਰਤੀ ਗਈ ਗੋਲੀ ਵੀ ਪੁਲਿਸ ਨੇ ਬਰਾਮਦ ਕਰ ਲਈ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਆਈ.ਆਈ.ਟੀ ਬੀ.ਐਚ.ਯੂ ਦੀ ਇੱਕ ਵਿਦਿਆਰਥਣ 1 ਨਵੰਬਰ ਦੀ ਰਾਤ ਕਰੀਬ 1:30 ਵਜੇ ਆਪਣੇ ਇੱਕ ਸਾਥੀ ਨਾਲ ਸੈਰ ਲਈ ਨਿਕਲੀ ਸੀ। ਇਹ ਦੋਵੇਂ ਕਰਮਨ ਵੀਰ ਬਾਬਾ ਮੰਦਿਰ ਨੇੜੇ ਪੁੱਜੇ ਸਨ ਕਿ ਇਸੇ ਦੌਰਾਨ ਇੱਕ ਬੁਲੇਟ ‘ਤੇ ਸਵਾਰ ਤਿੰਨ ਨੌਜਵਾਨਾਂ ਨੇ ਆ ਕੇ ਉਨ੍ਹਾਂ ਨੂੰ ਰੋਕ ਲਿਆ। ਵਿਦਿਆਰਥਣ ਨੂੰ ਰੋਕਣ ਤੋਂ ਬਾਅਦ ਉਨ੍ਹਾਂ ਨੇ ਉਸ ਦੇ ਨਾਲ ਆਏ ਨੌਜਵਾਨ ਨੂੰ ਡਰਾ ਧਮਕਾ ਕੇ ਉਥੋਂ ਭਜਾ ਦਿੱਤਾ। ਇਸ ਤੋਂ ਬਾਅਦ ਤਿੰਨੋਂ ਨੌਜਵਾਨ ਲੜਕੀ ਨੂੰ ਹਥਿਆਰ ਦਿਖਾ ਕੇ ਇਕ ਕੋਨੇ ‘ਚ ਲੈ ਗਏ। ਉਨ੍ਹਾਂ ਨੇ ਵਿਦਿਆਰਥਣ ਦੇ ਕੱਪੜੇ ਉਤਾਰ ਕੇ ਉਸ ਨਾਲ ਛੇੜਛਾੜ ਕੀਤੀ, ਜ਼ਬਰਦਸਤੀ ਉਸ ਨੂੰ ਚੁੰਮਿਆ ਅਤੇ ਵੀਡੀਓ ਬਣਾਈ। ਇਹ ਵੀ ਦੋਸ਼ ਹੈ ਕਿ ਵਿਦਿਆਰਥਣ ਨਾਲ ਸਮੂਹਿਕ ਬਲਾਤਕਾਰ ਦੀ ਘਟਨਾ ਨੂੰ ਅੰਜਾਮ ਦਿੱਤਾ ਗਿਆ।
ਬੀ.ਐਚ.ਯੂ ਦੇ ਵਿਦਿਆਰਥੀਆਂ ਨੇ ਗੁੱਸੇ ‘ਚ ਆ ਕੇ ਕੀਤਾ ਪ੍ਰਦਰਸ਼ਨ
ਇਸ ਘਟਨਾ ਦੀ ਸੂਚਨਾ ਮਿਲਦੇ ਹੀ ਬੀ.ਐਚ.ਯੂ ਵਿੱਚ ਭਾਰੀ ਹੰਗਾਮਾ ਹੋ ਗਿਆ । ਬੀ.ਐਚ.ਯੂ ਦੇ ਵਿਦਿਆਰਥੀਆਂ ਨੇ ਗੁੱਸੇ ‘ਚ ਆ ਕੇ ਭ੍ਹੂ ਕੈਂਪਸ ‘ਚ ਭਾਰੀ ਵਿਰੋਧ ਪ੍ਰਦਰਸ਼ਨ ਕੀਤਾ। ਇਸ ਘਟਨਾ ਨੂੰ ਲੈ ਕੇ ਵਿਦਿਆਰਥੀ ਜਥੇਬੰਦੀਆਂ ਵੱਲੋਂ ਵੀ ਨਾਰਾਜ਼ਗੀ ਪ੍ਰਗਟਾਈ ਗਈ। ਉਸ ਤੋਂ ਬਾਅਦ ਆਈ.ਆਈ.ਟੀ ਬੀ.ਐਚ.ਯੂ ਦੇ ਕੈਂਪਸ ਨੂੰ ਚਾਰਦੀਵਾਰੀ ਬਣਾ ਕੇ ਵੱਖ ਕਰਨ ਦੀ ਗੱਲ ਚੱਲੀ ਸੀ। ਇਸ ਨੂੰ ਲੈ ਕੇ ਵਿਦਿਆਰਥੀ ਜਥੇਬੰਦੀਆਂ ਵੱਲੋਂ ਵਿਰੋਧ ਵੀ ਕੀਤਾ ਗਿਆ। ਵਿਦਿਆਰਥੀਆਂ ਨੇ ਰੋਸ ਵਜੋਂ ਪੂਰਾ ਕੈਂਪਸ ਬੰਦ ਕਰ ਦਿੱਤਾ ਸੀ। ਕਲਾਸਰੂਮਾਂ ਅਤੇ ਲੈਬਾਂ ਵਿੱਚ ਰੀਸਰਚ ਦਾ ਕੰਮ ਵੀ ਬੰਦ ਕਰ ਦਿੱਤਾ ਗਿਆ। ਪੂਰੇ ਕੈਂਪਸ ਦੀ ਇੰਟਰਨੈੱਟ ਸੇਵਾ ਬੰਦ ਕਰ ਦਿੱਤੀ ਗਈ। ਇਸ ਦੇ ਨਾਲ ਹੀ ਪੁਲਿਸ ਨੇ ਲੰਕਾ ਥਾਣੇ ਵਿੱਚ ਇਸ ਮਾਮਲੇ ਵਿੱਚ ਐਫ.ਆਈ.ਆਰ ਦਰਜ ਕੀਤੀ ਸੀ।
2 ਮਹੀਨੇ ਬਾਅਦ ਦੋਸ਼ੀ ਗ੍ਰਿਫ਼ਤਾਰ
ਵਿਦਿਆਰਥੀਆਂ ਦੇ ਵਿਰੋਧ ਕਾਰਨ ਪੁਲਿਸ ਵੀ ਹਰਕਤ ਵਿੱਚ ਆ ਗਈ ਅਤੇ ਮਾਮਲੇ ਦੀ ਜਾਂਚ ਕਰ ਰਹੀ ਸੀ। ਪੁਲਿਸ ਮੁਲਜ਼ਮਾਂ ਦੀ ਭਾਲ ਕਰ ਰਹੀ ਸੀ। ਹੁਣ 2 ਮਹੀਨਿਆਂ ਬਾਅਦ ਪੁਲਿਸ ਨੇ ਤਿੰਨੋਂ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਸਮੂਹਿਕ ਬਲਾਤਕਾਰ ਦੇ ਦੋਸ਼ੀ ਕੁਨਾਲ ਪਾਂਡੇ, ਅਭਿਸ਼ੇਕ ਚੌਹਾਨ ਅਤੇ ਸਕਸ਼ਮ ਪਟੇਲ ਤਿੰਨੋਂ ਵਾਰਾਣਸੀ ਦੇ ਰਹਿਣ ਵਾਲੇ ਹਨ। ਫਿਲਹਾਲ ਪੁਲਿਸ ਮਾਮਲੇ ਦੀ ਅਗਲੀ ਕਾਰਵਾਈ ਕਰ ਰਹੀ ਹੈ।