Breaking News
Home / India / ਆਸਾਮ : ਸੁਰੱਖਿਆ ਫੋਰਸ ਨਾਲ ਮੁਕਾਬਲੇ ‘ਚ 6 ਅਤਿਵਾਦੀ ਢੇਰ, ਇਕ ਜਵਾਨ ਸ਼ਹੀਦ

ਆਸਾਮ : ਸੁਰੱਖਿਆ ਫੋਰਸ ਨਾਲ ਮੁਕਾਬਲੇ ‘ਚ 6 ਅਤਿਵਾਦੀ ਢੇਰ, ਇਕ ਜਵਾਨ ਸ਼ਹੀਦ

ਦੀਫੂ, 23 ਸਤੰਬਰ (ਚ.ਨ.ਸ.):  ਆਸਾਮ ਦੇ ਕਾਰਬੀ ਆਂਗਲਾਂਗ ਜ਼ਿਲ੍ਹੇ ‘ਚ ਬੀਤੀ ਰਾਤ ਸੁਰੱਖਿਆ ਫੋਰਸ ਦੇ ਨਾਲ ਹੋਏ ਮੁਕਾਬਲੇ ‘ਚ ਕਾਰਬੀ ਪੀਪਲਜ਼ ਲਿਬਰੇਸ਼ਨ ਟਾਈਗਰਜ਼ (ਕੇ. ਪੀ. ਐੱਲ. ਟੀ) ਦੇ ਘੱਟੋ-ਘੱਟ 6 ਅੱਤਵਾਦੀ ਮਾਰੇ ਗਏ ਅਤੇ ਫੌਜ ਦਾ ਇਕ ਜਵਾਨ ਸ਼ਹੀਦ ਹੋ ਗਿਆ। ਮਾਰੇ ਗਏ ਅੱਤਵਾਦੀਆਂ ‘ਚੋਂ ਦੋ ਇਸ ਸਮੂਹ ਦੇ ਮੁਖ ਨੇਤਾ ਸਨ। ਪੁਲਿਸ ਸੁਪਰਡੈਂਟ ਦੇਵਰੀ ਨੇ ਦੱਸਿਆ ਕਿ ਖੁਫੀਆ ਸੂਚਨਾ ਦੇ ਆਧਾਰ ‘ਤੇ ਪੁਲਿਸ ਅਤੇ ਫੌਜ ਦੇ ਸੰਯੁਕਤ ਦਲ ਨੇ ਬੋਕਾਜਨ ਪੁਲਿਸ ਥਾਣੇ ਦੇ ਅਧੀਨ ਆਉਣ ਵਾਲੇ ਇਲਾਕੇ ਬਾਨੀਪਾਥਰ ‘ਚ ਮੁਹਿੰਮ ਸ਼ੁਰੂ ਕੀਤੀ ਸੀ। ਦੇਰ ਰਾਤ ਲਗਭਗ 1 ਵਜੇ ਜੰਗਲ ਦੇ ਅੰਦਰ ਸੁਰੱਖਿਆ ਬਲਾਂ ‘ਤੇ ਅੱਤਵਾਦੀਆਂ ਨੇ ਗੋਲੀਬਾਰੀ ਕਰ ਦਿੱਤੀ। ਉਨ੍ਹਾਂ ਨੇ ਦੱਸਿਆ ਕਿ ਇਸ ਮੁਕਾਬਲੇ ‘ਚ ਕੇ. ਪੀ. ਐੱਲ. ਟੀ. ਦੇ 6 ਅੱਤਵਾਦੀਆਂ ਨੂੰ ਢੇਰ ਕਰ ਦਿੱਤਾ ਗਿਆ। ਇਸ ਦੌਰਾਨ ਫੌਜ ਦਾ ਇਕ ਜਵਾਨ ਸ਼ਹੀਦ ਹੋ ਗਿਆ। ਦੇਵਰੀ ਮੁਤਾਬਕ ਇਸ ਭੂਮੀਗਤ ਸਟੇਸ਼ਨ ਦੇ ਮਾਰੇ ਗਏ ਅੱਤਵਾਦੀਆਂ ‘ਚੋਂ ਦੋ ਆਲਾ ਨੇਤਾ ਹੋ ਸਕਦੇ ਹਨ। ਉਨ੍ਹਾਂ ਦੀ ਪਛਾਣ ਦੀ ਪ੍ਰਕਿਰਿਆ ਜਾਰੀ ਹੈ। ਜ਼ਖਮੀ ਫੌਜੀ ਨੂੰ ਹਸਪਤਾਲ ਲਿਜਾਇਆ ਗਿਆ ਹੈ। ਮਾਰੇ ਗਏ ਅੱਤਵਾਦੀਆਂ ਦੇ ਕੋਲੋਂ ਇਕ ਐੱਸ. ਐੱਲ. ਆਰ. ਰਾਈਫਲ, ਦੋ ਇਨਸਾਸ ਰਾਈਫਲਾਂ , ਤਿੰਨ ਪਿਸਤੌਲਾਂ ਅਤੇ ਦੋ
ਗ੍ਰੇਨੇਡ ਬਰਾਮਦ ਹੋਏ ਹਨ। ਕਾਰਬੀ ਨੈਸ਼ਨਲ ਲਿਬਰੇਸ਼ਨ ਫਰੰਟ (ਕੇ. ਐੱਲ. ਐੱਨ. ਐੱਫ) ਵਲੋਂ ਜੰਗਬੰਦੀ ਦਾ ਐਲਾਨ ਕੀਤੇ ਜਾਣ ਤੋਂ ਬਾਅਦ ਸਾਲ 2010-11 ‘ਚ ਇਸ ਸਮੂਹ ਨਾਲੋਂ ਇਕ ਧੜਾ ਵੱਖ ਹੋ ਗਿਆ ਸੀ। ਇਸ ਧੜੇ ਨੇ ਕੇ. ਪੀ. ਐੱਲ. ਟੀ. ਦਾ ਗਠਨ ਕੀਤਾ। ਇਹ ਗੁੱਟ ਬੋਕਾਜਾਨ ਦੇ ਦੂਰ ਦੇ ਖੇਤਰਾਂ ‘ਚ ਸਰਗਰਮ ਹੈ।

About admin

Check Also

ਲੋਕ ਸਭਾ ‘ਚ ਤਿੰਨ ਤਲਾਕ ਬਿੱਲ ਪਾਸ

ਨਵੀਂ ਦਿੱਲੀ, 28 ਦਸੰਬਰ (ਚੜ੍ਹਦੀਕਲਾ ਬਿਊਰੋ) : ਤਿੰਨ ਤਲਾਕ ‘ਤੇ ਹੁਣ ਤਕ ਦੇ ਸਾਰੇ ਸੋਧ …

Leave a Reply

Your email address will not be published. Required fields are marked *