Breaking News
Home / India / ਹਥਿਆਰਾਂ ਦੇ ਜ਼ਖੀਰੇ ਦਾ ਮਾਮਲਾ ਅੱਬੂ ਜੁੰਦਾਲ ਸਣੇ 12 ਦੋਸ਼ੀ ਕਰਾਰ

ਹਥਿਆਰਾਂ ਦੇ ਜ਼ਖੀਰੇ ਦਾ ਮਾਮਲਾ ਅੱਬੂ ਜੁੰਦਾਲ ਸਣੇ 12 ਦੋਸ਼ੀ ਕਰਾਰ

ਨਵੀਂ ਦਿੱਲੀ, 28 ਜੁਲਾਈ (ਚ.ਨ.ਸ.) :ਸਾਲ 2006 ਵਿੱਚ ਔਰੰਗਾਬਾਦ ਵਿੱਚ ਫੜੇ ਗਏ ਹਥਿਆਰਾਂ ਦੇ ਜ਼ਖੀਰੇ ਦੇ ਮਾਮਲੇ ਵਿੱਚ ਮੁੰਬਈ ਦੀ ਮਕੌਕਾ ਅਦਾਲਤ ਨੇ ਮੁਲਜ਼ਮ ਅਬੂ ਜੁੰਦਾਲ ਸਮੇਤ 12 ਲੋਕਾਂ ਨੂੰ ਆਰਮਜ਼ ਐਕਟ ਤਹਿਤ ਦੋਸ਼ੀ ਕਰਾਰ ਦਿੱਤਾ ਹੈ ਜਦਕਿ 10 ਮੁਲਜ਼ਮਾਂ ਨੂੰ ਬਰੀ ਕਰ ਦਿੱਤਾ ਗਿਆ ਹੈ। ਫੈਸਲਾ ਸੁਣਾਉਂਦੇ ਸਮੇਂ ਮਕੌਕਾ ਅਦਾਲਤ ਨੇ ਕਿਹਾ ਕਿ ਜੁੰਦਾਲ 2002 ਦੇ ਗੁਜਰਾਤ ਦੰਗਿਆਂ ਬਾਅਦ ਤਤਕਾਲੀ ਮੁੱਖ ਮੰਤਰੀ ਨਰੇਂਦਰ ਮੋਦੀ ਤੇ ਵੀ.ਐਚ.ਪੀ. ਨੇਤਾ ਪ੍ਰਵੀਨ ਤੋਗੜੀਆ ਨੂੰ ਮਾਰਨ ਦੀ ਸਾਜਿਸ਼ ਵਿੱਚ ਸ਼ਾਮਲ ਸੀ। ਕਾਬਲੇਗੌਰ ਹੈ ਕਿ 8 ਮਈ, 2006 ਨੂੰ ਮਹਾਰਾਸ਼ਟਰ ਦੇ ਔਰੰਗਾਬਾਦ ਦੇ ਕਰੀਬ ਚੰਦਵਾੜ-ਮਨਮਾੜ ਹਾਈਵੇ ‘ਤੇ ਐਂਟੀ ਟੈਰਾਰਿਜ਼ਮ ਸਕਾਇਡ ਹਥਿਆਰਾਂ ਨਾਲ ਭਰੀ ਗੱਡੀ ਫੜੀ ਸੀ। ਇਸ ਗੱਡੀ ਤੋਂ ਏ.ਟੀ.ਐਸ. ਨੇ 30 ਕਿਲੋ ਆਰ.ਡੀ.ਐਕਸ., 10 ਏ.ਕੇ.-47 ਰਾਇਫਲਾਂ, 3 ਹਜ਼ਾਰ 200 ਰਾਉਂਡ ਗੋਲੀਆਂ ਬਰਾਮਦ ਕੀਤੀਆਂ ਸਨ। ਇਲਜ਼ਾਮ ਸੀ ਕਿ ਜਬੀ ਨਾਮ ਦਾ ਵਿਅਕਤੀ ਗੱਡੀ ਚਲਾ ਰਿਹਾ ਸੀ। ਉਹ ਹੀ ਅੱਬੂ ਜੁੰਦਾਲ ਹੈ ਜਦਕਿ ਜਬੀ ਦੇ ਵਕੀਲ ਦਾ ਦਾਅਵਾ ਹੈ ਕਿ ਜਾਂਚ ਅਫਸਰਾਂ ਕੋਲ ਇਸ ਨੂੰ ਸਾਬਤ ਕਰਨ ਲਈ ਪੂਰੇ ਸਬੂਤ ਨਹੀਂ ਹਨ। ਸਰਕਾਰੀ ਪੱਖ ਦਾ ਕਹਿਣਾ ਹੈ ਕਿ ਜਬੀ ਕੋਈ ਹੋਰ ਨਹੀਂ 26/11 ਦਾ ਹੈਂਡਲਰ ਅੱਬੂ ਜੁੰਦਾਲ ਹੈ ਜੋ ਉਸ ਵੇਲੇ ਪੁਲਿਸ ਨੂੰ ਚਕਮਾ ਦੇ ਕੇ ਬੰਗਲਾਦੇਸ਼ ਦੇ ਰਸਤੇ ਭੱਜ ਗਿਆ ਸੀ ਤੇ ਬਾਅਦ ਵਿੱਚ ਪਾਕਿਸਤਾਨ ਪੁੱਜਿਆ ਸੀ।

About admin

Check Also

ਸਹਿਣਸ਼ੀਲਤਾ ਸਾਡੀ ਪਹਿਚਾਣ ਤੇ ਅਨੇਕਤਾ ਤਾਕਤ: ਪ੍ਰਣਬ ਮੁਖਰਜੀ

ਚੜ੍ਹਦੀਕਲਾ ਬਿਊਰੋ ================ ਨਾਗਪੁਰ, 7 ਜੂਨ : ਸਾਬਕਾ ਰਾਸ਼ਟਰਪਤੀ ਪ੍ਰਣਬ ਮੁਖਰਜੀ ਨੇ ਰਾਸ਼ਟਰੀ ਸਵੈਮ ਸੇਵਕ …

Leave a Reply

Your email address will not be published. Required fields are marked *