Breaking News
Home / Business / ਕਾਲਾ ਧਨ ਮਾਮਲੇ ‘ਚ ਸਰਕਾਰ ਨੂੰ ਵੱਡੀ ਕਾਮਯਾਬੀ ਵਿਦੇਸ਼ੀ ਖਾਤਿਆਂ ‘ਚ ਛੁਪਾਏ 13 ਹਜ਼ਾਰ ਕਰੋੜ ਦਾ ਖ਼ੁਲਾਸਾ

ਕਾਲਾ ਧਨ ਮਾਮਲੇ ‘ਚ ਸਰਕਾਰ ਨੂੰ ਵੱਡੀ ਕਾਮਯਾਬੀ ਵਿਦੇਸ਼ੀ ਖਾਤਿਆਂ ‘ਚ ਛੁਪਾਏ 13 ਹਜ਼ਾਰ ਕਰੋੜ ਦਾ ਖ਼ੁਲਾਸਾ

ਨਵੀਂ ਦਿੱਲੀ, 27 ਜੂਨ (ਚ.ਨ.ਸ.) :  ਵਿਦੇਸ਼ ਬੈਂਕ ਅਕਾਊਂਟਸ ‘ਚ ਭਾਰਤੀਆਂ ਦੇ ਜਮ੍ਹਾਂ ਪੈਸੇ ਦਾ ਪਤਾ ਲਾਉਣ ‘ਚ ਸਰਕਾਰ ਨੇ ਵੱਡੀ ਕਾਮਯਾਬੀ ਹਾਸਲ ਕੀਤੀ ਹੈ। ਇਨਕਸ ਟੈਕਸ ਵਿਭਾਗ ਨੇ ਇਨ੍ਹਾਂ ਖ਼ਾਤਿਆਂ ‘ਚ ਡਿਪਾਜ਼ਿਟ ਕਰੀਬ 13 ਹਜ਼ਾਰ ਕਰੋੜ ਰੁਪਏ ਦੀ ਬਲੈਕਮਨੀ ਦਾ ਪਤਾ ਲਾਇਆ ਹੈ। ਸਰਕਾਰ ਨੂੰ 2011 ‘ਚ 400 ਤੇ 2013 ‘ਚ ਕਰੀਬ 700 ਬੈਂਕ ਅਕਾਉਂਟਸ ਬਾਰੇ ਸੂਚਨਾ ਪ੍ਰਾਪਤ ਹੋਈ ਸੀ। ਫਰਾਂਸ ਸਰਕਾਰ ਨੇ 2011 ‘ਚ ਜੈਨੇਵਾ ਦੇ ਐਚ.ਐਸ.ਬੀ.ਸੀ. ਬੈਂਕ ‘ਚ ਭਾਰਤੀਆਂ ਦੀ ਜਮ੍ਹਾਂ ਰਕਮ ਦੇ ਕਰੀਬ 400 ਮਾਮਲਿਆਂ ਦੀ ਜਾਣਕਾਰੀ ਭਾਰਤ ਨੂੰ ਦਿੱਤੀ ਸੀ। ਇਨਕਮ ਟੈਕਸ ਅਸੈਸਮੈਂਟ ਦੀ ਰਿਪੋਰਟ ਮੁਤਾਬਕ ਇਨ੍ਹਾਂ ਬੈਂਕਅਕਾਉਂਟਸ ‘ਚ ਕਰੀਬ 8,186 ਕਰੋੜ ਰੁਪਏ ਜਮ੍ਹਾਂ ਸੀ। ਬਲੈਕ ਮਨੀ ਦੀ ਹੁਣ ਤੱਕ ਦੀ ਇਹ ਸਭ ਤੋਂ ਵੱਡੀ ਰਕਮ ਹੈ ਜੋ ਸਰਕਾਰ ਨੂੰ ਪਤਾ ਲੱਗੀ ਹੈ। ਦੂਜੇ ਪਾਸੇ 2013 ‘ਚ ਇੰਟਰਨੈਸ਼ਨਲ ਕੰਸਟੀਅਮ ਆਫ ਇਨਵੈਸਟੀਗੇਸ਼ਨ ਜਰਨਲਿਸਟ ਦੀ ਵੈਬਸਾਈਟ ‘ਤੇ 700 ਦੇ ਕਰੀਬ ਭਾਰਤੀਆਂਦੇ ਬੈਂਕ ਖ਼ਾਤਿਆਂ ਦਾ ਖੁਲਾਸਾ ਹੋਇਆ ਸੀ। ਇਸ ‘ਚ 5,000 ਕਰੋੜ ਦੇ ਡਿਪਾਜ਼ਿਟ ਦਾ ਪਤਾ ਲੱਗਿਆ ਹੈ। ਇਸ ਤਰ੍ਹਾਂ 2011 ਤੇ 2013 ‘ਚ ਮਿਲੀ ਜਾਣਕਾਰੀ ਨੂੰ ਮਿਲਾ ਕੇ ਭਾਰਤੀਆਂ ਦੇ ਕੁੱਲ 11,00 ਖਾਤਿਆਂ ‘ਚ 13 ਹਜ਼ਾਰ ਕਰੋੜ ਰੁਪਏ ਦੇ ਕਾਲੇ ਧਨ ਦਾ ਪਤਾ ਲੱਗਿਆ ਸੀ। ਇਨਕਮ ਟੈਕਸ ਵਿਭਾਗ ਨੇ ਇਸ ‘ਤੇ 5,377 ਕਰੋੜ ਦਾ ਟੈਕਸ ਲਾਇਆ ਹੈ। ਅਕਾਉਂਟ ਹੋਲਡਰ ਨੂੰ ਟੈਕਸ ਜਮ੍ਹਾਂ ਕਰਵਾਉਣ ਲਈ 31 ਮਾਰਚ, 2016 ਤੱਕ ਦਾ ਵਕਤ ਦਿੱਤਾ ਗਿਆ ਹੈ। ਸਤੰਬਰ 2015 ਤੱਕ 1100 ਸਸਪੈਕਟਸ ‘ਚੋਂ ਇਹ ਸਿਰਫ 638 ਅਕਾਊਂਟ ਹੋਲਡਰ ਨੇ 3770 ਕਰੋੜ ਰੁਪਏ ਦੀ ਬਲੈਕ ਮਨੀ ਜਨਤਕ ਕੀਤੀ ਸੀ। ਇਨਕਮ ਟੈਕਸ ਵਿਭਾਗ ਨੇ ਹੁਣ ਤੱਕ 55 ਮਾਮਲਿਆਂ ‘ਚ ਕੇਸ ਦਰਜ ਕੀਤੇ ਹਨ। ਅਕਾਊਂਟ ਹੋਲਡਰ ‘ਤੇਵੈਰੀਫਿਕੇਸ਼ਨ ਪ੍ਰੋਸੈੱਸ ‘ਚ ਗਲਤ ਜਾਕਣਾਰੀ ਦੇਣ ਤੇ ਟੈਕਸ ਚੋਰੀ ਦਾ ਇਲਜ਼ਾਮ ਹੈ। ਐਚ.ਐਸ.ਬੀ.ਸੀ. ਖ਼ਾਤਿਆਂ ‘ਚ 75 ਕੇਸਾਂ ਦੀ ਸੁਣਵਾਈ ਚੱਲ ਰਹੀ ਹੈ। ਇਹ ਕੇਸ ਆਈਸੀਆਈਜੇ ਦੀ ਸੂਚਨਾ ਦੇ ਅਧਾਰ ‘ਤੇ ਦਰਜ ਕੀਤੇ ਗਏ ਹਨ।

About admin

Check Also

ਸਹਿਣਸ਼ੀਲਤਾ ਸਾਡੀ ਪਹਿਚਾਣ ਤੇ ਅਨੇਕਤਾ ਤਾਕਤ: ਪ੍ਰਣਬ ਮੁਖਰਜੀ

ਚੜ੍ਹਦੀਕਲਾ ਬਿਊਰੋ ================ ਨਾਗਪੁਰ, 7 ਜੂਨ : ਸਾਬਕਾ ਰਾਸ਼ਟਰਪਤੀ ਪ੍ਰਣਬ ਮੁਖਰਜੀ ਨੇ ਰਾਸ਼ਟਰੀ ਸਵੈਮ ਸੇਵਕ …

Leave a Reply

Your email address will not be published. Required fields are marked *